masthmagaa.com:
ಸಿಂಗಾಪುರ್ನಲ್ಲಿ ಒಂದು ಇಂಟರೆಸ್ಟಿಂಗ್ ಘಟನೆ ನಡೆದಿದೆ. ಏನಾಗಿದೆ ಅಂದ್ರೆ, ಸಿಂಗಾಪುರ್ ಪ್ರಧಾನಿ ಲೀ ಸೆನ್ ಲೂಂಗ್ ಅಕ್ರಮ ಹಣ ವರ್ಗಾಣೆ ಮಾಡಿದ್ದಾರೆ ಅನ್ನೋದಕ್ಕೆ ಸಂಬಂಧಪಟ್ಟ ಆರ್ಟಿಕಲ್ ಒಂದನ್ನ ಸಿಂಗಾಪುರ್ನ ಬ್ಲಾಗರ್ ಒಬ್ಬ ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದ. ಆತನ ವಿರುದ್ಧ ಸಿಂಗಾಪುರ್ ಪ್ರಧಾನಿ ಬರೋಬ್ಬರಿ 1 ಲಕ್ಷದ 33 ಸಾವಿರ ಸಿಂಗಾಪುರ್ ಡಾಲರ್ ಮಾನಹಾನಿ ಕೇಸ್ ಹಾಕಿದ್ರು. ಭಾರತದ ರೂಪಾಯಿ ಲೆಕ್ಕದಲ್ಲಿ ಸುಮಾರು 72 ಲಕ್ಷ ಅನ್ಕೋಬೋದು. ಕೋರ್ಟ್ ಕೂಡ ಸಿಂಗಾಪುರ್ ಪ್ರಧಾನಿ ಪರವಾಗಿಯೇ ತೀರ್ಪು ಕೊಡ್ತು. ಅಂದ್ರೆ ಆ ಬ್ಲಾಗರ್ ಅಷ್ಟು ದುಡ್ಡನ್ನ ಪ್ರಧಾನಿಗೆ ಕೊಡ್ಬೇಕು ಅಂತ ಹೇಳ್ತು. ಇಷ್ಟು ದುಡ್ಡು ಹೇಗಪ್ಪಾ ಒಟ್ಟು ಮಾಡಿ ಕೊಡೋದು ಅಂತ ಆತ ಯೋಚ್ನೆ ಮಾಡಿ, ಆನ್ಲೈನ್ ಫಂಡ್ರೈಸಿಂಗ್ ಅಭಿಯಾನವನ್ನ ಶುರು ಮಾಡ್ದ. ಇದಕ್ಕೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿ ಕೇವಲ 11 ದಿನಗಳಲ್ಲಿ 1 ಲಕ್ಷದ 33 ಸಾವಿರ ಸಿಂಗಾಪುರ್ ಡಾಲರ್ ಹಣವನ್ನ ಸಂಗ್ರಹಿಸಿದ್ದಾನೆ. ಬಳಿಕ ‘We hit 133k, thanks to all Singaporeans’ ಅಂತ ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾನೆ. ಅಂದ್ರೆ ಅಷ್ಟು ದುಡ್ಡು ಕಲೆಕ್ಟ್, ಆಯ್ತು.. ಸಿಂಗಾಪುರ್ನ ಜನತೆಗೆ ಧನ್ಯವಾದ ಅಂತ ಹೇಳಿದ್ದಾನೆ. ಇದರಿಂದ ಒಂದ್ರೀತಿ ಸಿಂಗಾಪುರ್ ಸರ್ಕಾರಕ್ಕೆ ಮುಜುಗರ ಆದಂತಾಗಿದೆ.
-masthmagaa.com
Contact Us for Advertisement