masthmagaa.com:
ಇಸ್ರೇಲ್ ಮತ್ತು ಪ್ಯಾಲೆಸ್ತೇನ್ ನಡುವಿನ ಯುದ್ಧ ಈಗ ಐಸ್ಕ್ರೀಂಗೆ ಬಂದು ನಿಂತಿದೆ. ಬೆನ್ & ಜೆರ್ರಿ ಕಂಪನಿಯ ಐಸ್ ಕ್ರೀಮನ್ನು ಆಕ್ರಮಿತ ಪ್ಯಾಲೆಸ್ತೇನ್ ಪ್ರದೇಶದಲ್ಲಿ ಮಾರಾಟ ಮಾಡದಿರಲು ಸಂಸ್ಥೆ ನಿರ್ಧರಿಸಿದೆ. ಅಲ್ಲದೆ ಮುಂದಿನ ವರ್ಷದ ಅಂತ್ಯದ ವೇಳೆಗೆ ಐಸ್ ಕ್ರೀಮ್ ಉತ್ಪಾದನೆ ಮತ್ತು ವಿತರಣೆಗೆ ಸಂಬಂಧಿಸಿದಂತೆ ಇಸ್ರೇಲ್ ಉತ್ಪಾದಕರ ಜೊತೆಗೆ ಮಾಡಿಕೊಂಡ ಒಪ್ಪಂದ ಅಂತ್ಯಗೊಳ್ಳಲಿದೆ. ಅದನ್ನ ನಾವು ರಿನೀವ್ ಮಾಡೋದಿಲ್ಲ ಅಂತ ಕೂಡ ಪ್ರಕಟಣೆಯಲ್ಲಿ ಯುನಿಲಿವರ್ ಸಂಸ್ಥೆ ತಿಳಿಸಿದೆ. ಅಂದಹಾಗೆ ಈ ಐಸ್ಕ್ರೀಂ ಕಂಪನಿ 1978ರಲ್ಲಿ ಅಮೆರಿಕದಲ್ಲಿ ಸ್ಥಾಪನೆಯಾಗಿತ್ತು. ಇದು ಸಮಾಜ ಸೇವೆಯಲ್ಲಿ ತುಂಬಾ ಹೆಸರು ಮಾಡಿರೋ ಒಂದು ಕಂಪನಿ.. ನಂತರದಲ್ಲಿ ಯುನೈಟೆಡ್ ಕಿಂಗ್ಡಮ್ ಮೂಲದ ಯುನಿಲಿವರ್ ಸಂಸ್ಥೆ ಬೆನ್ ಜೆರ್ರಿ ಐಸ್ಕ್ರೀಂ ಕಂಪನಿಯನ್ನು ಖರೀದಿಸಿತ್ತು. ಇದು ಕೂಡ ಸಾಮಾಜಿಕ ಕಾರ್ಯಗಳನ್ನು ಮುಂದುವರಿಸಿಕೊಂಡೇ ಬಂದಿದೆ. ಇಸ್ರೇಲ್ ಆಕ್ರಮಿತ ಪ್ಯಾಲೆಸ್ತೇನ್ನಲ್ಲಿ ನಾವು ಐಸ್ಕ್ರೀಂ ಮಾರೋದು ಅಸಮಂಜಸ ಅಂತ ನಮಗನ್ನಿಸುತ್ತೆ. ಹೀಗಾಗಿ ಇದ್ರಿಂದ ಹಿಂದೆ ಬರ್ತಿದ್ದೀವಿ ಅಂತ ಕಂಪನಿ ಹೇಳಿದೆ. ಆದ್ರೆ ಈ ನಿರ್ಧಾರ ಬದಲಿಸದೇ ಇದ್ರೆ ಗಂಭೀರ ಪರಿಣಾಮ ಎದುರಿಸಬೇಕಾಗುತ್ತೆ ಅಂತ ಇಸ್ರೇಲ್ ಪ್ರಧಾನಿ ನೆಫ್ತಾಲಿ ಬೆನ್ನೆಟ್ ಎಚ್ಚರಿಸಿದ್ದಾರೆ. ಅಂದಹಾಗೆ 1967ರಲ್ಲಿ ಮಿಡಲ್ ಈಸ್ಟ್ ಯುದ್ಧದಲ್ಲಿ ಇಸ್ರೇಲ್ ಪ್ಯಾಲೆಸ್ತೇನ್ನ ವೆಸ್ಟ್ ಬ್ಯಾಂಕ್ ಭಾಗವನ್ನು ಆಕ್ರಮಿಸಿಕೊಂಡಿದೆ. ಇದಕ್ಕೆ ಅಂತಾರಾಷ್ಟ್ರೀಯ ಸಮುದಾಯದ ವಿರೋಧವಿದ್ದು, ಅಲ್ಲಿ ಆಗಾಗ ಹಿಂಸಾಚಾರ ಆಗ್ತಾನೇ ಇರುತ್ತೆ.
-masthmagaa.com
Contact Us for Advertisement