masthmagaa.com:
ಭಾರತದಲ್ಲಿ ಆರ್ಥಿಕ ಅಸಮಾನತೆ ಇದೆ. ಸಂಪತ್ತು ಸಮಾನವಾಗಿ ಹಂಚಿಕೆಯಾಗಿಲ್ಲ ಅಂತ ನಾವು ಹೇಳ್ತೀವಿ.. ಆದ್ರೆ ಅದು ಭಾರತದಲ್ಲಿ ಮಾತ್ರ ಅಲ್ಲ.. ಇಡೀ ಪ್ರಪಂಚದಲ್ಲೇ ಹಾಗಿದೆ.. ಪ್ರಪಂಚದ ಟಾಪ್ 8 ಮಂದಿ ಶ್ರೀಮಂತರ ಬಳಿ 1 ಟ್ರಿಲಿಯನ್ ಡಾಲರ್ ದುಡ್ಡಿದೆ.. ಅಂದ್ರೆ ಭಾರತದ ರೂಪಾಯಿ ಲೆಕ್ಕದಲ್ಲಿ ನೋಡೋದಾದ್ರೆ 72 ಲಕ್ಷ ಕೋಟಿ ರೂಪಾಯಿ.. ಈ 8 ಮಂದಿಯ ಆಸ್ತಿಯಲ್ಲಿ ಈ ವರ್ಷ ಅಂದ್ರೆ 2021ರಲ್ಲಿ 110 ಬಿಲಿಯನ್ ಡಾಲರ್ ಏರಿಕೆಯಾಗಿದೆ ಅಂತ ಬ್ಲೂಂಬರ್ಗ್ ಬಿಲಿಯನೇರ್ ಇಂಡೆಕ್ಸ್ನಿಂದ ತಿಳಿದು ಬಂದಿದೆ. ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಇದ್ದು, 196 ಬಿಲಿಯನ್ ಡಾಲರ್ ಹೊಂದಿದ್ದಾರೆ. 2ನೇ ಸ್ಥಾನದಲ್ಲಿರೋ ಎಲಾನ್ ಮಸ್ಕ್ ಬಳಿ 174.8 ಬಿಲಿಯನ್ ಡಾಲರ್ ಆಸ್ತಿ ಇದೆ. ಬಿಲ್ ಗೇಟ್ಸ್ ಬಳಿ 144.6 ಬಿಲಿಯನ್ ಡಾಲರ್, ಬೆರ್ನಾರ್ಡ್ ಅರ್ನಾಲ್ಟ್ ಬಳಿ 131.8 ಬಿಲಿಯನ್ ಡಾಲರ್ ದುಡ್ಡಿದೆ. ಫೇಸ್ಬುಕ್ ಸಂಸ್ಥಾಪಕ ಮಾರ್ಕ್ ಝುಕರ್ಬರ್ಗ್ ಬಳಿ 118.1 ಬಿಲಿಯನ್ ಡಾಲರ್, ಗೂಗಲ್ ಮಾಲೀಕ ಲ್ಯಾರಿ ಪೇಜ್ ಬಳಿ 103.6 ಬಿಲಿಯನ್ ಡಾಲರ್, ವಾರನ್ ಬಫೆಟ್ ಬಳಿ 100.7 ಬಿಲಿಯನ್ ಮತ್ತು ಸೆರ್ಜೀ ಬ್ರಿನ್ ಬಳಿ 100.2 ಬಿಲಿಯನ್ ಡಾಲರ್ ಆಸ್ತಿ ಇದೆ.
-masthmagaa.com
Contact Us for Advertisement