masthmagaa.com:
ಕೊರೋನಾ ಸೋಂಕಿಗೆ ಡಿಆರ್ಡಿಒ ಅಭಿವೃದ್ಧಿಪಡಿಸಿರೋ 2ಡಿಜಿ ಅಥವಾ 2-ಡಿಯಾಕ್ಸಿ-ಡಿ-ಗ್ಲೂಕೋಸ್ ಔಷಧಿಯನ್ನ ಹೇಗೆ ಬಳಸಬೇಕು ಅನ್ನೋದಕ್ಕೆ ಸಂಬಂಧಿಸಿದಂತೆ ನಿರ್ದೇಶನವನ್ನ ಡಿಆರ್ಡಿಒ ಇವತ್ತು ಶೇರ್ ಮಾಡಿದೆ. ಈ ಔಷಧಿಯನ್ನ ಚಿಕಿತ್ಸೆ ಪಡೀತಿರೋ ಕೊರೋನಾ ರೋಗಿಗಳಿಗೆ ವೈದ್ಯರ ಸಲಹೆ ಮೇರೆಗೆ ಕೊಡಬಹುದು. ಗಂಭೀರ ಮತ್ತು ಮಧ್ಯಮ ಪ್ರಮಾಣದ ರೋಗಿಗಳಿಗೆ ಗರಿಷ್ಠ 10 ದಿನಗಳವರೆಗೆ ಮಾತ್ರ ನೀಡಬೇಕು. ಆದ್ರೆ ಅನ್ಕಂಟ್ರೋಲ್ಡ್ ಡಯಾಬಿಟಿಸ್, ಗಂಭೀರ ಹೃದಯ ಸಮಸ್ಯೆ, ತೀವ್ರ ಉಸಿರಾಟದ ಸಮಸ್ಯೆ, ಯಕೃತ್ ಮತ್ತು ಮೂತ್ರಪಿಂಡದ ಗಂಭೀರ ಸಮಸ್ಯೆಯಿಂದ ಬಳಲುತ್ತಿರೋರ ಮೇಲೆ ಈ 2ಡಿಜಿ ಔಷಧಿಯನ್ನ ಪ್ರಯೋಗ ಮಾಡಿಲ್ಲ. ಹೀಗಾಗಿ ಅಂಥವರಿಗೆ ಈ ಔಷಧಿ ನೀಡುವ ಮೊದಲು ಎಚ್ಚರ ವಹಿಸಬೇಕು. ಇನ್ನು ಗರ್ಭಿಣಿಯರು, ಮಕ್ಕಳಿಗೆ ಎದೆ ಹಾಲುಣಿಸುವ ತಾಯಂದಿರು ಮತ್ತು 18 ವರ್ಷದೊಳಗಿನ ರೋಗಿಗಳಿಗೆ ಈ 2ಡಿಜಿ ಔಷಧಿಯನ್ನ ಕೊಡಬಾರದು ಅಂತಾನೂ ಸ್ಪಷ್ಟವಾಗಿ ಹೇಳಲಾಗಿದೆ. ಜೊತೆಗೆ ರೋಗಿಗಳು ಅಥವಾ ಅವರನ್ನ ನೋಡಿಕೊಳ್ತಿರೋರು 2ಡಿಜಿ ಔಷಧಿ ಬೇಕಿದ್ದರೆ ಆಸ್ಪತ್ರೆ ಮೂಲಕ ಡಾ. ರೆಡ್ಡೀಸ್ ಲ್ಯಾಬೊರೇಟರಿಯಿಂದ ಪಡೆಯಲು ಸೂಚಿಸಲಾಗಿದೆ. ಅದಕ್ಕಾಗಿ ಇ-ಮೇಲ್ ಐಡಿಯನ್ನ ಕೂಡ ನೀಡಲಾಗಿದೆ.
-masthmagaa.com
Contact Us for Advertisement