masthmagaa.com:
ದೇಶದಲ್ಲಿ ಬ್ಲಾಕ್ ಫಂಗಸ್ ಹಾವಳಿ ಜಾಸ್ತಿಯಾಗ್ತಿದೆ. ದೇಶದಲ್ಲಿ ಬುಧವಾರದವರೆಗೆ 5,500 ಮಂದಿಗೆ ಈ ಭೀಕರ ಅಂಟಿದ್ದು, 126 ಮಂದಿ ಸಾವನ್ನಪ್ಪಿದ್ಧಾರೆ ಅಂತ ಗೊತ್ತಾಗಿದೆ. ಈ ಬ್ಲಾಂಕ್ ಫಂಗಸ್ ದೊಡ್ಡವರು, ಚಿಕ್ಕವರೆನ್ನದೆ ಎಲ್ಲರಲ್ಲೂ ಹರಡುತ್ತಿದೆ. ಗುಜರಾತ್ನ ಅಹ್ಮದಾಬಾದ್ನಲ್ಲಿ 13 ವರ್ಷದ ಬಾಲಕ ಬ್ಲಾಕ್ ಫಂಗಸ್ ಬಂದಿದ್ದು, ಆಪರೇಷನ್ ಮಾಡಲಾಗಿದೆ. ಬಾಲಕನ ತಾಯಿ ಕೂಡ ಕೊರೋನಾಗೆ ಬಲಿಯಾಗಿದ್ದು, ಬಾಲಕನಿಗೂ ಕೊರೋನಾ ಬಂದಿತ್ತು ಅಂತ ತಿಳಿದು ಬಂದಿದೆ. ಒಂದ್ಕಡೆ ಬ್ಲಾಕ್ ಫಂಗಸ್ ಹಾವಳಿ ಜಾಸ್ತಿಯಾಗ್ತಿದ್ರೆ, ಮತ್ತೊಂದ್ಕಡೆ ರಾಜ್ಯಗಳ ಬಳಿ ಅದರ ಚಿಕಿತ್ಸೆಗೆ ಬೇಕಾದ liposomal amphotericin B ಔಷಧ ಸ್ಟಾಕ್ ಇಲ್ಲ.. ಹೀಗಾಗಿ ಈ ಔಷಧ ಉತ್ಪಾದಿಸಲು ಮತ್ತೂ 5 ಔಷಧ ಉತ್ಪಾದಕ ಕಂಪನಿಗಳಿಗೆ ಲೈಸೆನ್ಸ್ ಕೊಟ್ಟಿದ್ದೀವಿ. ಈ ಸಂಸ್ಥೆಗಳು ಜುಲೈನಿಂದ ಪ್ರತಿ ತಿಂಗಳು 1.11 ಲಕ್ಷ ಬಾಟಲಿ ಔಷಧಿ ಉತ್ಪಾದನೆ ಮಾಡಲಿವೆ ಅಂತ ಕೇಂದ್ರ ಆರೋಗ್ಯ ಇಲಾಖೆ ಹೇಳಿದೆ.ಈ ಬಗ್ಗೆ ಪ್ರತಿಕ್ರಿಯಿಸಿರೋ ಪ್ರಧಾನಿ ಮೋದಿ ಕೂಡ, ಬ್ಲಾಕ್ ಫಂಗಸ್ ಹೊಸ ಸವಾಲಾಗಿದ್ದು, ಅದನ್ನು ಎದುರಿಸಲು ರೆಡಿಯಾಗಬೇಕಿದೆ ಅಂತ ಹೇಳಿದ್ಧಾರೆ. ಅಂದಹಾಗೆ 90 ಸಾವಿನೊಂದಿಗೆ ಮಹಾರಾಷ್ಟ್ರ ಮೊದಲ ಸ್ಥಾನದಲ್ಲಿದ್ರೆ, 14 ಮಂದಿ ಮೃತಪಟ್ಟಿರೋ ಹರಿಯಾಣ 2ನೇ ಸ್ಥಾನದಲ್ಲಿದೆ.
-masthmagaa.com
Contact Us for Advertisement