masthmagaa.com:
ಇಷ್ಟು ದಿನ ಜಗತ್ತಲ್ಲಿ ಕೊರೋನಾ ಸುದ್ದಿಯಾಗ್ತಿತ್ತು. ಆ ದೇಶಕ್ಕೂ ಹರಡ್ತು.. ಈ ದೇಶಕ್ಕೂ ಹರಡ್ತು ಅಂತ ಹೇಳ್ತಿದ್ವಿ.. ಆದ್ರೀಗ ಹೊಸದಾಗಿ ಒಂದು ಸುದ್ದಿ ಬರ್ತಾ ಇದೆ. ಅದೇ ಮೊನೋಲಿತ್ಗಳ ಬಗ್ಗೆ.. ಸಾಮಾನ್ಯವಾಗಿ ಕಲ್ಲಿನ ಕಂಬಕ್ಕೆ ಮೊನೋಲಿತ್ ಅಂತಾರೆ. ಆದ್ರೆ ವಿಚಿತ್ರ ರೀತಿಯಲ್ಲಿ ಜಗತ್ತಿನ ಒಂದೊಂದೇ ದೇಶದಲ್ಲಿ ಈ ರೀತಿಯ ಸ್ಟೀಲ್ ಕಂಬ ಅಥವಾ ಮೊನೋಲಿತ್ ಪತ್ತೆಯಾಗ್ತಿದೆ. ನವೆಂಬರ್ 18ರಂದು ಮೊದಲಿಗೆ ಅಮೆರಿಕದ ಉಟ್ಹಾದಲ್ಲಿ 11 ಅಡಿಯ ಕಂಬ ಪತ್ತೆಯಾಗಿತ್ತು. ಇದಾಗಿ 10 ದಿನಕ್ಕೆ ಇದ್ದಕ್ಕಿದ್ದಂತೆ ನಾಪತ್ತೆಯಾಗಿತ್ತು. ಡಿಸೆಂಬರ್ 1ರಂದು ಯೂಟ್ಯೂಬ್ಗೆ ವಿಡಿಯೋ ಅಪ್ಲೋಡ್ ಮಾಡಿದ ವ್ಯಕ್ತಿಯೊಬ್ಬ ಮೊನೋಲಿತ್ ನಾನೇ ತೆಗೆದಿದ್ದು ಅಂತ ಹೇಳಿಕೊಂಡಿದ್ದ. ಇದಾದ ಬಳಿಕ ನವೆಂಬರ್ 26ರಂದು ರೊಮೇನಿಯಾ, ಡಿಸೆಂಬರ್ 2ರಂದು ಕ್ಯಾಲಿಫೋರ್ನಿಯಾದಲ್ಲಿ, ಡಿಸೆಂಬರ್ 3ರಂದು ಪೆನ್ಸಿಲ್ವೇನಿಯಾದಲ್ಲಿ ಮೊನೋಲಿತ್ ಪತ್ತೆಯಾಗಿದೆ. ಇದೀಗ ಪೋಲೆಂಡ್ನಲ್ಲೂ ಮೊನೋಲಿತ್ ಪತ್ತೆಯಾಗಿದೆ.. ನೆಟ್ಟಿಗರಂತೂ ಇದೆಲ್ಲಾ ಏಲಿಯನ್ಗಳ ಕೈವಾಡ ಅಂತ ಹೊಸ ಹೊಸ ಥಿಯರಿಗಳನ್ನ ಮುಂದಿಡೋಕೆ ಶುರು ಮಾಡಿದ್ದಾರೆ. ಹಾಗಾದ್ರೆ ಈ ಸ್ಟೀಲ್ ಕಂಬಗಳನ್ನು ತಂದು ಇಡ್ತಿರೋರು ಯಾರು..? ಸ್ವಲ್ಪ ದಿನ ಆದ್ಮೇಲೆ ಅದನ್ನ ತೆಗೆದುಕೊಂಡು ಹೋಗ್ತಿರೋದು ಯಾರು..? ತೆಗೆದುಕೊಂಡು ಹೋಗೋದು ಯಾರಿಗೂ ಗೊತ್ತಾಗ್ತಿಲ್ಲ ಯಾಕೆ..? ಅದೂ ಅಲ್ಲದೆ ಆ ಸ್ಟೀಲ್ ಕಂಬದ ವಿಡಿಯೋದಲ್ಲಿ ಸ್ಕ್ರೂ ಕೂಡ ಇದೆ.. ಈ ಮಿಸ್ಟ್ರಿ ಇನ್ನೂ ಮಿಸ್ಟ್ರಿಯಾಗಿಯೇ ಉಳಿದಿದೆ.
-masthmagaa.com
Contact Us for Advertisement