masthmagaa.com:
ಬೇರೆ ಬೇರೆ ಧರ್ಮದವರು ಮದುವೆ ಮಾಡಿಕೊಂಡ್ರೆ ಲವ್ ಜಿಹಾದ್ ಅನ್ನೋದಾದ್ರೆ, ಜಮ್ಮು-ಕಾಶ್ಮೀರದಲ್ಲಿ ಈ ಹಿಂದೆ ಮೆಹಬೂಬಾ ಮುಫ್ತಿ ಅವರ ಪಿಡಿಪಿ ಮತ್ತು ಬಿಜೆಪಿ ಮಾಡಿಕೊಂಡ ಮೈತ್ರಿಯನ್ನು ಯಾಕೆ ‘ಸೈದ್ಧಾಂತಿಕ ಲವ್ ಜಿಹಾದ್’ ಅಂತ ಕರೆಯಲು ಸಾಧ್ಯವಿಲ್ಲ..? ಅಂತ ಶಿವಸೇನೆ ಪ್ರಶ್ನೆ ಮಾಡಿದೆ. ಸಂಘ ಪರಿವಾರ ಮತ್ತು ಮೋದಿ ಹೊರತುಪಡಿಸಿದ ಹಿಂದೂಸ್ತಾನ ನಿರ್ಮಾಣ ಆಗಬೇಕು ಎಂದಿದ್ದ ನಿತೀಶ್ ಕುಮಾರ್ ಈಗ ಆ ವಾದವನ್ನ ಬದಿಗೊತ್ತಿ ಅಧಿಕಾರಕ್ಕಾಗಿ ಬಿಜೆಪಿ ಜೊತೆ ಕೈಜೋಡಿಸಿದ್ದನ್ನ ಲವ್ ಜಿಹಾದ್ ಅಂತ ಕರೆಯಲು ಸಾಧ್ಯವಿಲ್ಲವೇ..? ಲವ್ ಜಿಹಾದ್ ಪದಕ್ಕೆ ಯೋಗಿ ಆದಿತ್ಯನಾಥ್ ಅಥವಾ ಶಿವರಾಜ್ ಸಿಂಗ್ ಚೌಹಾಣ್ ನೀಡುವ ವ್ಯಾಖ್ಯಾನವನ್ನ ದೇಶ ಒಪ್ಪೋದಿಲ್ಲ ಅಂತ ಶಿವಸೇನೆಯ ಮುಖವಾಣಿ ‘ಸಾಮ್ನಾ’ದಲ್ಲಿ ಬರೆಯಲಾಗಿದೆ.
ಶಿವಸೇನೆಯ ಈ ಹೇಳಿಕೆಗೆ ತಿರುಗೇಟು ಕೊಟ್ಟಿರುವ ಬಿಜೆಪಿ ನಾಯಕ ದೇವೇಂದ್ರ ಫಡ್ನಾವಿಸ್, ‘ಒಂದು ಕಾಲದಲ್ಲಿ ಪ್ರೇಮಿಗಳ ದಿನವನ್ನ ವಿರೋಧಿಸಿದ್ದಕ್ಕಾಗಿ ಮತ್ತು ಪ್ರೀತಿಸುವವರ ಮೇಲೆ ಹಲ್ಲೆ ಮಾಡುತ್ತಿದ್ದಕ್ಕೆ ಶಿವಸೇನೆ ಸುದ್ದಿಯಲ್ಲಿರುತ್ತಿತ್ತು. ಆದ್ರೀಗ ಈ ಪಕ್ಷ ಎಷ್ಟು ಬದಲಾಗಿದೆ ಅನ್ನೋದು ಅವರ ನಡೆಯಿಂದಲೇ ಗೊತ್ತಾಗುತ್ತೆ’ ಅಂತ ಹೇಳಿದ್ದಾರೆ.
-masthmagaa.com
