masthmagaa.com:
ಅಮೆರಿಕದ ನಿರ್ಗಮಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಅವರ ಬೆಂಬಲಿಗರ ಟ್ವಿಟ್ಟರ್ ಖಾತೆಯನ್ನ ಸಸ್ಪೆಂಡ್ ಮಾಡಿರುವ ವಿಚಾರಕ್ಕೆ ಸಂಬಂಧಿಸಿದಂತೆ ಭಾರತದಲ್ಲಿ ಪರ-ವಿರುದ್ಧದ ಚರ್ಚೆ ನಡೀತಿದೆ. ಪ್ರಮುಖವಾಗಿ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆ ಈ ವಿಚಾರಕ್ಕೆ ಫೈಟ್ ನಡೀತಿದೆ. ಬಿಜೆಪಿ ಸಂಸದ ತೇಜಸ್ವಿ ಸೂರ್ಯ ಟ್ವೀಟ್ ಮಾಡಿ, ‘ನಿಯಂತ್ರಣಕ್ಕೆ ಒಳಪಡದ ದೊಡ್ಡ ದೊಡ್ಡ ಟೆಕ್ ಕಂಪನಿಗಳಿಂದ ಪ್ರಜಾಪ್ರಭುತ್ವಕ್ಕೆ ಅಪಾಯವಿದೆ ಅನ್ನೋದನ್ನ ಅರ್ಥ ಮಾಡಿಕೊಳ್ಳದ ಜನರಿಗೆ ಇದು ಎಚ್ಚರಿಕೆಯ ಕರೆಗಂಟೆ. ಅಮೆರಿಕದ ಅಧ್ಯಕ್ಷರಿಗೇ ಹೀಗೆ ಮಾಡ್ತಾರೆ ಅಂದ್ರೆ, ಅವರು ಯಾರಿಗೆ ಬೇಕಾದ್ರೂ ಹೀಗೆ ಮಾಡಬಹುದು. ಹೀಗಾಗಿ ಭಾರತವು ಶೀಘ್ರದಲ್ಲೇ ಪ್ರಜಾಪ್ರಭುತ್ವದ ಒಳಿತಿಗಾಗಿ ನಿಯಮಗಳನ್ನ ಪರಿಶೀಲಿಸುತ್ತೆ’ ಅಂತ ಹೇಳಿದ್ದಾರೆ.
ಮತ್ತೊಂದುಕಡೆ ಕರ್ನಾಟಕ ಕಾಂಗ್ರೆಸ್ನ ಶ್ರೀವತ್ಸ ಅನ್ನೋರು, ‘ಬಿಜೆಪಿಯ ಅಮಿತ್ ಮಾಳವೀಯ ಮತ್ತು ತೇಜಸ್ವಿ ಸೂರ್ಯ ಇನ್ಮುಂದೆ ಹಿಂಸೆಗೆ ಪ್ರಚೋದನೆ ನೀಡಿದ್ರೆ ಅಥವಾ ಎರಡು ಗುಂಪಿನ ನಡುವೆ ದ್ವೇಷ ಹರಡಿಸಿದ್ರೆ ಅವರನ್ನ ಕೂಡ ಟ್ವಿಟ್ಟರ್ನಿಂದ ಬ್ಯಾನ್ ಮಾಡ್ಬೇಕು ಅನ್ನೋರು ಇದನ್ನ ರೀಟ್ವೀಟ್ ಮಾಡಿ. ದ್ವೇಷವನ್ನ ನಮ್ಮ ದೇಶ ಒಪ್ಪೋದಿಲ್ಲ. ಅಮೆರಿಕದಲ್ಲಿ ಮಾಡಿದಂತೆ ಇಲ್ಲೂ ಮಾಡಲಿ’ ಅಂತ ಟ್ವೀಟ್ ಮಾಡಿದ್ದಾರೆ.
-masthmagaa.com
Contact Us for Advertisement