masthmagaa.com:
ಶಿಲ್ಪಾ ಶೆಟ್ಟಿ ಗಂಡ, ಉದ್ಯಮಿ ರಾಜ್ ಕುಂದ್ರಾರನ್ನು 3 ದಿನಗಳ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ. ನಿನ್ನೆಯಷ್ಟೇ ಇವರನ್ನು ಮುಂಬೈ ಪೊಲೀಸರು ನೀಲಿಚಿತ್ರಗಳ ನಿರ್ಮಾಣದ ಆರೋಪದಲ್ಲಿ ಅರೆಸ್ಟ್ ಮಾಡಿದ್ರು. ಇದೇ ಕೇಸ್ನಲ್ಲಿ ಇವತ್ತು ರ್ಯಾನ್ ಥಾಪ್ರಾರನ್ನ ಕೂಡ ಬಂಧಿಸಲಾಗಿತ್ತು. ಇಬ್ಬರನ್ನೂ ಮುಂಬೈನ ಎಸ್ಪ್ಲಾನಡೆ ಕೋರ್ಟ್ ಮುಂದೆ ಹಾಜರುಪಡಿಸಲಾಗಿತ್ತು. ಇಬ್ಬರನ್ನು ಈಗ 3 ದಿನ ಖಾಕಿ ಕಸ್ಟಡಿಗೆ ಕೊಡಲಾಗಿದೆ. ರಾಜ್ ಕುಂದ್ರಾ ಹಾಟ್ ಶಾಟ್ ಅನ್ನೋ ಆಪ್ ಮೂಲಕ ನೀಲಿಚಿತ್ರಗಳ ಡೀಲ್ ಮಾಡ್ತಿದ್ರು. ಅದಕ್ಕೆ ನಮ್ಮ ಬಳಿ ಸಾಕಷ್ಟು ಸಾಕ್ಷ್ಯಗಳಿವೆ ಅಂತ ಪೊಲೀಸರು ಕೋರ್ಟ್ಗೆ ತಿಳಿಸಿದ್ದಾರೆ. ಅಂದಹಾಗೆ ಈ ಕೇಸ್ ನಿನ್ನೆ ಮೊನ್ನೇದಲ್ಲ.. ಫೆಬ್ರವರಿಯಿಂದ ಈ ಕೇಸ್ ತನಿಖೆ ನಡೆಸ್ತಿದ್ದಾರೆ ಮುಂಬೈ ಪೊಲೀಸರು. ಈವರೆಗೆ 9 ಮಂದಿಯನ್ನು ಅರೆಸ್ಟ್ ಮಾಡಲಾಗಿದ್ದು, ಇತ್ತೀಚೆಗೆ ಉಮೇಶ್ ಕಾಮತ್ ಎಂಬಾತ ಬಲೆಗೆ ಬಿದ್ದಿದ್ದ. ಈತ ಈ ಹಿಂದೆ ರಾಜ್ ಕುಂದ್ರಾ ಪಿಎ ಆಗಿ ಕೆಲಸ ಮಾಡಿದ್ದ. ರಾಜ್ ಕುಂದ್ರಾ ಕೂಡ ಇದ್ರಲ್ಲಿ ಭಾಗಿಯಾಗಿರೋದ್ರ ಬಗ್ಗೆ ಉಮೇಶ್ ಕಾಮತ್ ಸ್ಪಷ್ಟಪಡಿಸಿದ್ದಾನೆ. ಉಮೇಶ್ ಕಾಮತ್ ಇಲ್ಲಿ ವಿಡಿಯೋಗಳನ್ನು ರೆಡಿ ಮಾಡಿ, ಯುನೈಟೆಡ್ ಕಿಂಗ್ಡಮ್ ಮೂಲದ ವಿಯಾನ್ ಸಂಸ್ಥೆಗೆ ಕಳುಹಿಸ್ತಿದ್ದ. ಅಲ್ಲಿಂದ ವಿಡಿಯೋಗಳನ್ನು ಅಪ್ಲೋಡ್ ಮಾಡಲಾಗ್ತಿತ್ತು. ಆ ಸಂಸ್ಥೆಯಲ್ಲಿ ರಾಜ್ ಕುಂದ್ರಾ ಕೂಡ ಪಾಲುದಾರ ಅಂತ ಮಾಹಿತಿ ಸಿಕ್ಕಿದೆ. ಪ್ರಕರಣದಲ್ಲಿ ಶಿಲ್ಪಾ ಶೆಟ್ಟಿ ಪಾತ್ರದ ಬಗ್ಗೆ ಇನ್ನೂ ಮಾಹಿತಿ ಸಿಕ್ಕಿಲ್ಲ ಅಂತ ಕೂಡ ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.
-masthmagaa.com
Contact Us for Advertisement