masthmagaa.com:
ಅಮೆರಿಕ ಮತ್ತು ಚೀನಾ ನಡುವೆ ನಾನಾ ವಿಚಾರಕ್ಕೆ ಸಂಘರ್ಷ ಮುಂದುವರಿದಿರೋ ನಡುವೆಯೇ ಅಮೆರಿಕ ಜೊತೆಗಿನ ಸಂಭಾವ್ಯ ಯುದ್ಧಕ್ಕೆ ಡ್ರಾಗನ್ ದೇಶ ರೆಡಿಯಾಗ್ತಿದ್ಯಾ ಅನ್ನೋ ಅನುಮಾನ ಮೂಡಿದೆ. ಹೌದು ಅಂತಿವೆ ಉಪಗ್ರಹಗಳಿಂದ ತೆಗೆದ ಈ ಚಿತ್ರಗಳು. ಇದು ಚೀನಾದ ಷಿನ್ಜಿಯಾಂಗ್ ಪ್ರಾಂತ್ಯದ ಟಕ್ಲಮಕನ್ ಮರುಭೂಮಿಯಲ್ಲಿ ಸೆರೆಸಿಕ್ಕ ಚಿತ್ರಗಳು. ಈ ಫೋಟೋಗಳಲ್ಲಿ ಅಮೆರಿಕದ ನೌಕಾಪಡೆಯ ವಿಮಾನವಾಹನ ನೌಕೆಗಳು ಮತ್ತು ಇತರ ಯುದ್ಧನೌಕೆಗಳ ರೀತಿಯ ಮಾಕಪ್ಸ್ ಅಥವಾ ಅಣಕುಗಳು ಕಾಣಿಸಿವೆ. ಇದರಲ್ಲಿ ಅಮೆರಿಕದ ಯುದ್ಧನೌಕೆಯ ಒಂದು ಫುಲ್ಸ್ಕೇಲ್ ಅಣಕು ಇದ್ರೆ, ಎರಡು Arleigh Burke-class guided missile destroyers ಇವೆ. ಕೆಲವೊಂದು ಅಣುಕುಗಳು ನೆಲಕ್ಕೆ ಪೇಂಟ್ ಮಾಡಿರೋಥರ ಇದ್ರೆ, ಇನ್ನೂ ಕೆಲ ಅಣಕುಗಳು ಮರುಭೂಮಿಯಲ್ಲಿ ಚಲಿಸುವಂತೆ ಮಾಡಲು ಅದಕ್ಕೆ ಟ್ರಾಕ್ಗಳನ್ನ ರೆಡಿ ಮಾಡಿಕೊಂಡಿದ್ದಾರೆ. ಬಹುಶಃ ಸಂಭಾವ್ಯ ಟಾರ್ಗೆಟ್ಗಳ ಬಗ್ಗೆ ತನ್ನ ಯೋಧರಿಗೆ ಚೀನಾ ತರಬೇತಿ ನೀಡ್ತಿರಬಹುದು, ವಿಶೇಷವಾಗಿ ಅಮೆರಿಕದ ವಿಮಾನವಾಹಕ ಯುದ್ಧನೌಕೆಗಳ ವಿರುದ್ಧ ತನ್ನ ಸಾಮರ್ಥ್ಯವನ್ನ ಹೆಚ್ಚಿಸಿಕೊಳ್ಳೋ ಪ್ರಯತ್ನ ಇದಾಗಿಬಹುದು ಅಂತ ಹೇಳಲಾಗ್ತಿದೆ. ಪ್ರಮುಖವಾಗಿ ತೈವಾನ್ ಮತ್ತು ದಕ್ಷಿಣ ಚೀನಾ ಸಮುದ್ರದ ವಿಚಾರಕ್ಕೆ ಸಂಬಂಧಿಸಿದಂತೆ ಅಮೆರಿಕ ಮತ್ತು ಚೀನಾ ನಡುವಿನ ಸಂಘರ್ಷ ಮುಗೀತಾ ಇಲ್ಲ. ಇಂಥಾ ಟೈಮಲ್ಲೇ ಅಮೆರಿಕ ವಿರುದ್ಧದ ಸಂಘರ್ಷಕ್ಕೆ ಚೀನಾ ಹಿಂಗೆಲ್ಲಾ ರೆಡಿಯಾಗ್ತಿದ್ಯಾ ಅನ್ನೋ ಅನುಮಾನ ಮೂಡಿಸುವಂತೆ ಮಾಡಿದೆ.
-masthmagaa.com
Contact Us for Advertisement