masthmagaa.com:
ಚೀನಾದ ವುಹಾನ್ನಲ್ಲಿ ಶುರುವಾದ ಕೊರೋನಾ ವೈರಸ್ ಭಾರತ, ಅಮೆರಿಕ, ಇಟಲಿ, ಇರಾನ್, ಪಾಕಿಸ್ತಾನ ಸೇರಿದಂತೆ ವಿಶ್ವದ 164 ರಾಷ್ಟ್ರಗಳಿಗೆ ವ್ಯಾಪಿಸಿದೆ. ವಿಶ್ವದಾದ್ಯಂತ 2 ಲಕ್ಷಕ್ಕೂ ಹೆಚ್ಚಿನ ಜನ ಸೋಂಕಿಗೆ ತುತ್ತಾಗಿದ್ದಾರೆ. ಈಗಾಗಲೇ 9 ಸಾವಿರ ಜನ ಜೀವ ಬಿಟ್ಟಿದ್ದಾರೆ. ಈ ಕಾಯಿಲೆ ಮಕ್ಕಳು ಮತ್ತು ವೃದ್ಧರಿಗೆ ತುಂಬಾ ಪರಿಣಾಮಕಾರಿಯಾಗಿದ್ದು, ಬದುಕೋದು ಕಷ್ಟ ಅಂತ ಹೇಳಲಾಗಿದೆ.
ಆದ್ರೆ 103 ವರ್ಷದ ಅಜ್ಜಿಯೊಬ್ಬರು ಈ ಭಯಾನಕ ಕಾಯಿಲೆ ವಿರುದ್ಧ ಹೋರಾಡಿ, ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. ಇರಾನ್ ರಾಜಧಾನಿ ಟೆಹ್ರಾನ್ನಿಂದ 180 ಕಿಲೋಮೀಟರ್ ದೂರದಲ್ಲಿರೋ ಸೆಮನಾನ್ ಆಸ್ಪತ್ರೆಯಲ್ಲಿ ಕೊರೋನಾ ಪೀಡಿತ ಈ ಅಜ್ಜಿ ದಾಖಲಾಗಿದ್ದರು.
ಆದ್ರೆ ಅಜ್ಜಿ ಚಮತ್ಕಾರದ ರೀತಿ ಗುಣಮುಖರಾಗಿ ಆಸ್ಪತ್ರೆಯಿಂದ ಮನೆಗೆ ಬಂದಿದ್ದಾರೆ. ಇವರಿಗೂ ಮುನ್ನ 91 ವರ್ಷದ ರೋಗಿಯೊಬ್ಬರು ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಜಾರ್ಜ್ ಆಗಿದ್ದರು.
ಇನ್ನು ಚೀನಾದಲ್ಲೂ 103 ವರ್ಷದ ಅಜ್ಜಿ ಮತ್ತು 101 ವರ್ಷದ ವೃದ್ಧರೊಬ್ಬರು ಕೊರೋನಾ ಸೋಂಕಿಗೆ ತುತ್ತಾಗಿ, ಹುಷಾರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದರು.
-masthmagaa.com
Contact Us for Advertisement