masthmagaa.com:
ಜಾಗತಿಕ ಪಿಡುಗಾಗಿ ಕಾಡುತ್ತಿರೋ ಕೊರೋನಾ ಮಹಾಮಾರಿಗೆ ಪಂಜಾಬ್ನ ಅಮೃತಸರದಲ್ಲಿ 62 ವರ್ಷದ ವೃದ್ಧರೊಬ್ಬರು ಮೃತಪಟ್ಟಿದ್ದಾರೆ. ಇದು ಪಂಜಾಬ್ನಲ್ಲಿ ಕೊರೋನಾ ಸೋಂಕಿಗೆ 2ನೇ ಬಲಿಯಾಗಿದೆ. ಪಶ್ಚಿಮ ಬಂಗಾಳದಲ್ಲಿ 54 ವರ್ಷದ ಮಹಿಳೆ ಮೃತಪಟ್ಟಿದ್ದಾರೆ, ಇದು ಬಂಗಾಳದಲ್ಲಿ ಸಂಭವಿಸಿದ 2ನೇ ಸಾವಾಗಿದೆ. ಗುಜರಾತ್ನ ಬಾವ್ನಗರದಲ್ಲಿ 45 ವರ್ಷದ ಮತ್ತೊಬ್ಬ ಮಹಿಳೆ ಮೃತಪಟ್ಟಿದ್ದಾರೆ. ಇದು ಗುಜರಾತ್ನಲ್ಲಿ ಸಂಭವಿಸಿದ 6ನೇ ಸಾವಾಗಿದೆ. ಈ ಮೂಲಕ ಕೊರೋನಾ ಸೋಂಕಿಗೆ ದೇಶದಲ್ಲಿ ಮೃತಪಟ್ಟವರ ಸಂಖ್ಯೆ 32ಕ್ಕೆ ಏರಿಕೆಯಾಗಿದೆ. ಆದ್ರೆ ಈ ಬಗ್ಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಇನ್ನೂ ಅಧಿಕೃತವಾಗಿ ಘೋಷಿಸಿಲ್ಲ. ಜೊತೆಗೆ ಒಟ್ಟು ಸೋಂಕಿತರ ಸಂಖ್ಯೆ 1,200 ಗಡಿ ದಾಟಿದೆ.
ಯಾವ ರಾಜ್ಯದಲ್ಲಿ ಎಷ್ಟು ಜನ ಸಾವು..?
ಮಹಾರಾಷ್ಟ್ರ – 8
ಗುಜರಾತ್ - 6
ಕರ್ನಾಟಕ – 3
ದೆಹಲಿ – 2
ಜಮ್ಮು-ಕಾಶ್ಮೀರ – 2
ಮಧ್ಯಪ್ರದೇಶ – 2
ಪಂಜಾಬ್ – 2
ಪಶ್ಚಿಮ ಬಂಗಾಳ – 2
ಬಿಹಾರ – 1
ಹಿಮಾಚಲ ಪ್ರದೇಶ – 1
ಕೇರಳ – 1
ತಮಿಳುನಾಡು – 1
ತೆಲಂಗಾಣ – 1
-masthmagaa.com
