masthmagaa.com:
ಕೊರೋನಾ ವೈರಸ್ ವಿಶ್ವದೆಲ್ಲೆಡೆ ಅತಿ ವೇಗವಾಗಿ ಹಬ್ಬುತ್ತಿದೆ. ಭಾರತದಲ್ಲೂ ಕೊರೋನಾ ವೈರಸ್ನ 39 ಪ್ರಕರಣಗಳು ಪತ್ತೆಯಾಗಿವೆ. ಈ ನಡುವೆ ವಾಟ್ಸಾಪ್, ಫೇಸ್ಬುಕ್ಗಳಲ್ಲಿ ಕೊರೋನಾ ವೈರಸ್ಗೆ ಸಂಬಂಧಿಸಿದಂತೆ ಹಲವಾರು ವದಂತಿಗಳು ಹಬ್ಬುತ್ತಿವೆ. ಎಲ್ಲರೂ ಡಾಕ್ಟರ್ ರೀತಿ ತಮ್ಮದೇ ಸಲಹೆಗಳನ್ನು ಹರಿಬಿಡ್ತಿದ್ದಾರೆ. ಅದೇ ರೀತಿ ಒಂದು ದೊಡ್ಡ ಸುಳ್ಳು ವದಂತಿ ಹರಡುತ್ತಿರೋದು ಮದ್ಯ ಸೇವನೆ ಅಥವಾ ಮದ್ಯ ಸಿಂಪಡಿಸಿದ್ರೆ ಕೊರೋನಾ ಸೋಂಕಿನಿಂದ ಪಾರಾಗಬಹುದು ಅನ್ನೋದು. ಆದ್ರೆ ವಿಶ್ವ ಆರೋಗ್ಯ ಸಂಸ್ಥೆ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, ಕೊರೋನಾವನ್ನು ಮದ್ಯದಿಂದ ತಡೆಯೋದು ಸಾಧ್ಯವಿಲ್ಲ ಎಂದಿದೆ.
ಮೈತುಂಬಾ ಮದ್ಯ ಅಥವಾ ಕ್ಲೋರಿನ್ ಸಿಂಪಡಿಸಿದ್ರೆ ಈಗಾಗಲೇ ದೇಹದ ಒಳಗೆ ಹೋಗಿರುವ ವೈರಸ್ಗಳು ಸಾಯೋದಿಲ್ಲ. ಬದಲಾಗಿ ಕಣ್ಣು ಮತ್ತು ಬಾಯಿಗೆ ಹಾನಿಕರವಾಗಬಹುದು ಅಂತ ತಿಳಿಸಿದೆ. ಜೊತೆಗೆ ಮದ್ಯ ಮತ್ತು ಕ್ಲೋರಿನ್ ಬಳಸಿ ವೈರಸ್ನಿಂದ ಮುಂಜಾಗ್ರತೆ ಕ್ರಮ ಕೈಗೊಳ್ಳಬಹುದು. ಆದ್ರೆ ಅದನ್ನು ಸರಿಯಾದ ರೀತಿಯಲ್ಲಿ ಬಳಸಬೇಕು ಎಂದು ಮಾಹಿತಿ ನೀಡಿದೆ. ಹ್ಯಾಂಡ್ವಾಶ್ ಮಾಡುವಾಗ ಅಲ್ಕೋಹಾಲಿಕ್ ಅಂಶವುಳ್ಳ ಹ್ಯಾಂಡ್ವಾಶ್ನಿಂದ ಕೈ ತೊಳೆಯೋದು ಒಳ್ಳೆಯ ಅಭ್ಯಾಸ. ಹಾಗಂತ ಮೈತುಂಬಾ ಸಿಂಪಡಿಸೋದು ಒಳ್ಳೆಯದಲ್ಲ ಅಂತ ಹೇಳಿದೆ.
masthmagaa.com:
Contact Us for Advertisement