masthmagaa.com:
ತಾಲಿಬಾನಿಗಳು ಮಿಂಚಿನ ವೇಗದಲ್ಲಿ ಅಫ್ಘನಿಸ್ತಾನವನ್ನ ಟೇಕೋವರ್ ಮಾಡಿದ ಬೆನ್ನಲ್ಲೇ ವಿವಿಧ ದೇಶಗಳು ಅರ್ಜೆಂಟ್ ಅರ್ಜೆಂಟ್ನಲ್ಲಿ ಮಾಡಿದ ಒಂದೊಂದೇ ಯಡವಟ್ಟುಗಳು ಬೆಳಕಿಗೆ ಬರ್ತಿವೆ. ಈಗ ಯುಕೆ ಸರದಿ. ಕಾಬೂಲ್ನ ರಾಯಭಾರ ಕಚೇರಿಯಿಂದ ಯುಕೆ ಅಧಿಕಾರಿಗಳು ಜಾಗ ಖಾಲಿ ಮಾಡಿ ಹೋಗ್ಬೇಕಾದ್ರೆ, ತಮ್ಮ ಜೊತೆ ಕೆಲಸ ಮಾಡ್ತಿದ್ದ ಅಫ್ಘನ್ ಪ್ರಜೆಗಳ ದಾಖಲೆಗಳನ್ನ ಬಿಟ್ಟು ಹೋಗಿದ್ದಾರೆ. ಇದರಲ್ಲಿ ಆ ಅಫ್ಘನ್ ಪ್ರಜೆಗಳ ಕಾಂಟ್ಯಾಕ್ಟ್ ಡಿಟೇಲ್ಸ್ ಇತ್ತು ಅನ್ನೋದು ಗೊತ್ತಾಗಿದೆ. ಮೊದಲೇ ತಾಲಿಬಾನಿಗಳು ಹಿಂದಿನ ಸರ್ಕಾರದಲ್ಲಿದ್ದವರನ್ನ ಟಾರ್ಗೆಟ್ ಮಾಡ್ತಿದೆ ಅನ್ನೋ ವರದಿಯಾಗ್ತಿದೆ. ಅಂಥದ್ರಲ್ಲಿ ಯುಕೆ ಅಧಿಕಾರಿಗಳು ತಮ್ಮ ಜೊತೆ ಕೆಲಸ ಮಾಡ್ತಿದ್ದ ಅಫ್ಘನ್ ಪ್ರಜೆಗಳ ದಾಖಲೆಗಳನ್ನ ಬಿಟ್ಟುಹೋಗಿರೋದು ಆಕ್ರೋಶಕ್ಕೆ ಕಾರಣವಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಯುಕೆ ವಿದೇಶಾಂಗ ಇಲಾಖೆ ಅಧಿಕಾರಿಗಳು, ಕಾಬೂಲ್ನಲ್ಲಿ ಪರಿಸ್ಥಿತಿ ಬಿಗಡಾಯಿಸಿದ ಹಿನ್ನೆಲೆ ಹೀಗಾಯ್ತು. ಸೂಕ್ಷ್ಮ ದಾಖಲೆಗಳನ್ನ ನಾಶ ಮಾಡುವ ಎಲ್ಲಾ ಪ್ರಯತ್ನಗಳು ನಡೀತಿವೆ ಎಂದಿದ್ದಾರೆ.
-masthmagaa.com
Contact Us for Advertisement