masthmagaa.com:
ಯುಕ್ರೇನ್ ಮತ್ತು ರಷ್ಯಾ ಬಿಕ್ಕಟ್ಟನ್ನ ಬಗೆಹರಿಸಲು ಫ್ರಾನ್ಸ್ ಅಧ್ಯಕ್ಷ ಇಮ್ಯಾನ್ಯುವೆಲ್‌ ಮ್ಯಾಕ್ರನ್ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಜೊತೆ ಸೋಮವಾರ ನಡೆಸಿದ ಮಾತುಕತೆ ಯಶಸ್ವಿಯಾದಂತೆ ಕಾಣ್ತಿದೆ. ರಷ್ಯಾ ರಾಜಧಾನಿ ಮಾಸ್ಕೋದಲ್ಲಿ ಸುದೀರ್ಘ 5 ಗಂಟೆ ನಡೆದ ಮಾತುಕತೆ ವೇಳೆ ಪುಟಿನ್ ಕಾಂಪ್ರಮೈಸ್ ಆಗಿದ್ದಾರೆ ಅಂತ ವರದಿಯಾಗಿದೆ. ಮಾತುಕತೆ ಬಳಿಕ ಮಾತನಾಡಿದ ವ್ಲಾದಿಮಿರ್ ಪುಟಿನ್, ಮ್ಯಾಕ್ರನ್ ಪ್ರಸ್ತಾಪಿಸಿದ ಕೆಲವೊಂದು ಸಲಹೆಗಳು ಚೆನ್ನಾಗಿವೆ, ಮುಂದಕ್ಕೆ ಹೆಜ್ಜೆ ಇಡಲು ಅವು ಬುನಾದಿಯಾಗಬಹುದು ಅಂತ ಹೇಳಿದ್ದಾರೆ. ಜೊತೆಗೆ ನ್ಯಾಟೋದೊಂದಿಗಿನ ಸಮಸ್ಯೆಗಳನ್ನ ಪರಿಹರಿಸುವಲ್ಲಿ ಫ್ರಾನ್ಸ್ ಮಾಡುತ್ತಿರುವ ಪ್ರಯತ್ನಗಳಿಗೆ ನಾನು ಧನ್ಯವಾದ ತಿಳಿಸಿದ್ರು. ಆದ್ರೆ ಮಾತುಕತೆಯಲ್ಲಿ ಮ್ಯಾಕ್ರನ್ ಏನೇನು ಪ್ರಸ್ತಾಪ ಮಾಡಿದ್ರು ಅಂತ ಹೇಳಿಲ್ಲ. ಮ್ಯಾಕ್ರನ್ ಮಾತನಾಡಿ, ಎಂಗೇಜ್ ಆಗಲು ರೆಡಿ ಇರೋದಾಗಿ ನಂಗೆ ಪುಟಿನ್ ಭರವಸೆ ನೀಡಿದ್ದಾರೆ. ಎರಡೂ ಕಡೆಯವರು ಯಾವುದೇ ಹೊಸ ಸೇನಾ ಕಾರ್ಯಾಚರಣೆ ನಡೆಸಬಾರು, ಮಾತುಕತೆಗೆ ಹೊಸ ಸ್ಟ್ರಾಟಜಿಕ್ ಮಾತುಕತೆಯನ್ನ ಆರಂಭಿಸೋದು ಮತ್ತು ಯುಕ್ರೇನ್ನ ಪೂರ್ವ ಭಾಗದಲ್ಲಿರೋ ರಷ್ಯಾ ಬೆಂಬಲಿತ ಪ್ರತ್ಯೇಕತಾವಾದಿಗಳ ಜೊತೆ ಮಾತುಕತೆ ನಡೆಸಿ ಶಾಂತಿ ಪ್ರಕ್ರಿಯೆಯನ್ನ ಮತ್ತೆ ಆರಂಭಿಸುವ ಪ್ರಯತ್ನಗಳ ಬಗ್ಗೆ ನಾನು ಪ್ರಸ್ತಾಪ ಮಾಡಿದ್ದೀನಿ ಅಂತ ಮ್ಯಾಕ್ರನ್ ಹೇಳಿದ್ರು. ಇನ್ನು ಇವತ್ತು ಇಮ್ಯಾನ್ಯುಯೆಲ್ ಮ್ಯಾಕ್ರನ್ ಯುಕ್ರೇನ್ ಅಧ್ಯಕ್ಷ ವೊಲೊದಿಮಿರ್‌ ಜೆಲೆನ್‌ಸ್ಕಿಯನ್ನ ಯುಕ್ರೇನ್ ರಾಜಧಾನಿ ಕ್ವಿವ್ನಲ್ಲಿ ಭೇಟಿಯಾಗಲಿದ್ದಾರೆ. ಇದಾದ ಬಳಿಕ ಮತ್ತೆ ಪುಟಿನ್ ಜೊತೆಗೆ ಫೋನ್‌ನಲ್ಲಿ ಮಾತನಾಡಲಿದ್ದಾರೆ. ರಷ್ಯಾ-ಯುಕ್ರೇನ್ ನಡುವೆ ಸಂಘರ್ಷದ ವಾತಾವರಣ ನಿರ್ಮಾಣವಾದ ನಂತ್ರ ಪುಟಿನ್ ಭೇಟಿ ಮಾಡಿದ ಮೊದಲ ಟಾಪ್‌ ವೆಸ್ಟರ್ನ್‌ ಲೀಡರ್‌ ಆಗಿದ್ದಾರೆ ಮ್ಯಾಕ್ರನ್. ಸದ್ಯದಲ್ಲಿಯೇ ಫ್ರಾನ್ಸ್‌ನಲ್ಲಿ ಚುನಾವಣೆ ಇರುವದರಿಂದ ಮ್ಯಾಕ್ರನ್ ತನ್ನನ್ನ ಯೂರೋಪಿನ ಪ್ರಮುಖ ನಾಯಕನಾಗಿ ಬಿಂಬಿಸಿಕೊಳ್ಳುವ ಪ್ರಯತ್ನ ಕೂಡ ಇದರ ಹಿಂದಿದೆ ಎನ್ನಲಾಗ್ತಿದೆ.
-masthmagaa.com
Contact Us for Advertisement