masthmagaa.com:
ಹಾಂಗ್ಕಾಂಗ್ನಲ್ಲಿ ಪ್ರಜಾಪ್ರಭುತ್ವ ಪರ ಹೋರಾಟಗಾರನ್ನ ನಿಗ್ರಹಿಸೋ ಕೆಲಸ ಚೀನಾ ಜೋರಾಗೇ ಮಾಡ್ತಿದೆ. ಇದರ ಭಾಗವಾಗಿ ಹಾಂಗ್ಕಾಂಗ್ನ ಪ್ರಸಿದ್ಧ ಪ್ರಜಾಪ್ರಭುತ್ವ ಪರ ನ್ಯೂಸ್ಪೇಪರ್ ಆಗಿದ್ದ ಆಪಲ್ ಡೈಲಿ ಬಾಗಿಲು ಮುಚ್ಚುವಂತಾಗಿದೆ. ಇವತ್ತು ಈ ನ್ಯೂಸ್ಪೇಪರ್ನ ಕೊನೇ ಆವೃತ್ತಿ ಪ್ರಕಟವಾಗಿದೆ. ಪತ್ರಿಕೆಯ ಲಾಸ್ಟ್ ಎಡಿಷನ್ ಅನ್ನ ಖರೀದಿಸಲು ಜನ ನಾಮುಂದು ತಾಮುಂದು ಅಂತ ರಾತ್ರೋರಾತ್ರಿ ಮುಗಿಬಿದ್ರು. ಪತ್ರಿಕೆ ಬಗ್ಗೆಗಿನ ತಮ್ಮ ಎಮೋಷನ್ ಅನ್ನ ಹೊರಹಾಕಿದ್ರು. ಸಾಮಾನ್ಯವಾಗಿ ಈ ಪತ್ರಿಕೆಯ 1 ಲಕ್ಷ ಕಾಪಿಗಳು ಪ್ರಕಟವಾಗ್ತಿತ್ತು. ಆದ್ರೆ ಕೊನೇ ಆವೃತ್ತಿಯನ್ನ 10 ಲಕ್ಷ ಕಾಪಿ ಪ್ರಿಂಟ್ ಮಾಡಲಾಗಿದೆ. ಕೊನೇ ಆವೃತ್ತಿಯಲ್ಲಿ ಪ್ರಜಾಪ್ರಭುತ್ವ ಪರ ವಿಚಾರಗಳು, ಸೆಲೆಬ್ರಿಟಿ ಗಾಸಿಪ್ ಮತ್ತು ಅಧಿಕಾರದಲ್ಲಿರೋರ ತನಿಖೆ ಮುಂತಾದ ವಿಚಾರಗಳನ್ನ ಪ್ರಕಟಿಸಲಾಗಿದೆ. ಅಂದ್ಹಾಗೆ ಈ ಪತ್ರಿಕೆಯನ್ನ 1995ರಲ್ಲಿ ಜಿಮ್ಮಿ ಲೈ ಪ್ರಾರಂಭಿಸಿದ್ದರು. ಆದ್ರೆ 2020ರಲ್ಲಿ ಚೀನಾ ಜಾರಿಗೆ ತಂದ ಹಾಂಗ್ಕಾಂಗ್ ನ್ಯಾಷನಲ್ ಸೆಕ್ಯೂರಿಟಿ ಲಾ ಅಡಿಯಲ್ಲಿ ಜಿಮ್ಮಿ ಲೈ ಅವರನ್ನ ಅರೆಸ್ಟ್ ಮಾಡಲಾಗಿತ್ತು. ಇನ್ನೂ ಅವರು ಜೈಲಿನಲ್ಲೇ ಇದ್ದಾರೆ. ಅವರಿಗೆ ಬೇಲ್ ಕೂಡ ಸಿಗ್ತಿಲ್ಲ. ಕಳೆದ ವಾರವಷ್ಟೇ ಆಪಲ್ ಡೈಲಿಯ ಕೇಂದ್ರ ಕಚೇರಿ ಮೇಲೆ ಸುಮಾರು 500ಕ್ಕೂ ಹೆಚ್ಚು ಪೊಲೀಸರು ರೇಡ್ ಮಾಡಿದ್ದರು. ಈ ವೇಳೆ ಇಬ್ಬರು ಮುಖ್ಯ ಸಂಪಾದಕರು ಸೇರಿದಂತೆ ಹಲವರನ್ನ ಅರೆಸ್ಟ್ ಮಾಡಲಾಗಿತ್ತು. ವಿದೇಶಿ ಶಕ್ತಿಗಳ ಜೊತೆ ಕೈಜೋಡಿಸಿದ ಆರೋಪ ಇವರ ಮೇಲೆ ಹೊರಿಸಲಾಗಿತ್ತು. ಇನ್ನು ಆಪಲ್ ಡೈಲಿಗೆ ಸೇರಿದ ಆಸ್ತಿಪಾಸ್ತಿಗಳನ್ನ ಅಧಿಕಾರಿಗಳು ಫ್ರೀಜ್ ಮಾಡಿದ್ದಾರೆ. ಈ ಎಲ್ಲಾ ಕಾರಣಗಳಿಂದ ಹಾಂಗ್ಕಾಂಗ್ನಲ್ಲಿ ಕಳೆದ 26 ವರ್ಷಗಳಿಂದ ಪ್ರಜಾಪ್ರಭುತ್ವ ಪರ ಹೋರಾಟ ಮಾಡ್ತಾ ಬರ್ತಿದ್ದ ಆಪಲ್ ಡೈಲಿ ಸ್ಥಗಿತಗೊಂಡಿದೆ. ಕಳೆದ 26 ವರ್ಷಗಳಿಂದ ಇದನ್ನ ಓದಿಕೊಂಡು ಬಂದಿದ್ದವರು ಆಪಲ್ ಡೈಲಿಗೆ ಕಣ್ಣೀರ ವಿದಾಯ ಹೇಳಿದ್ದಾರೆ. ಅಂದ್ಹಾಗೆ ಈ ಹಿಂದೆ ಬ್ರಿಟೀಷ್ ವಸಾಹತು ಆಗಿದ್ದ ಹಾಂಗ್ಹಾಂಗ್ ಈಗ ಚೀನಾದ ಸ್ಪೆಷಲ್ ಅಡ್ಮಿನಿಸ್ಟ್ರೇಟಿವ್ ರೀಜನ್ ಆಗಿದೆ. ಹಾಂಗ್ಕಾಂಗ್ ಗೆ ಸೀಮಿತ ಸ್ವಾಯತ್ತತೆ ಕೊಟ್ಟಿರೋ ಚೀನಾ ಅದರ ಮೇಲೆ ಕಂಟ್ರೋಲ್ ಹೊಂದಿದೆ. 180 ದೇಶಗಳ ಮಾಧ್ಯಮ ಸ್ವಾತಂತ್ರ್ಯದ ರ್ಯಾಂಕಿಂಗ್ನಲ್ಲಿ ಹಾಂಗ್ಕಾಂಗ್ 80ನೇ ಸ್ಥಾನದಲ್ಲಿದ್ರೆ, ಚೀನಾ ಕೊನೆಯಿಂದ ನಾಲ್ಕನೇ ಸ್ಥಾನವಾದ 177ನೇ ಸ್ಥಾನದಲ್ಲಿದೆ. ಸೋ ಆಪಲ್ ಡೈಲಿಯಂತಹ ಪತ್ರಿಕೆಗಳನ್ನ ಬಂದ್ ಮಾಡೋ ಮೂಲಕ ಹಾಂಗ್ಕಾಂಗ್ನ ಮಾಧ್ಯಮ ಸ್ವಾತಂತ್ರ್ಯಕ್ಕೆ ಚೀನಾ ಕತ್ತರಿ ಹಾಕ್ತಿದೆ.
-masthmagaa.com
Contact Us for Advertisement