masthmagaa.com:
ಅಂತಾರಾಷ್ಟ್ರೀಯ ಅಟಾಮಿಕ್ ಎನರ್ಜಿ ಏಜೆನ್ಸಿಯ ಮುಖ್ಯಸ್ಥ ರಾಫೇಲ್ ಗ್ರೋಸ್ಸಿ ಇರಾನ್ಗೆ ಭೇಟಿ ನೀಡ್ತಿದ್ದಾರೆ. ಮುಂದಿನ ಸೋಮವಾರ ಅಂದ್ರೆ ನವೆಂಬರ್ 22ರಂದು ಈ ಪ್ರವಾಸ ಕೈಗೊಳ್ಳಲಿದ್ದು, ಇರಾನ್ ಅಧಿಕಾರಿಗಳ ಜೊತೆಗೆ ಉನ್ನತ ಮಟ್ಟದ ಸಭೆ ನಡೆಸಲಿದ್ದಾರೆ. ಜೊತೆಗೆ ಇರಾನ್ ವಿದೇಶಾಂಗ ಸಚಿವ ಹೊಸ್ಸೇನ್ ಆಮಿರ್ ಅಬ್ದುಲ್ಲಾಹಿಯಾನ್ ಮತ್ತು ಇರಾನ್ ಅಟಾಮಿಕ್ ಏಜೆನ್ಸಿಯ ಮುಖ್ಯಸ್ಥ ಮೊಹ್ಮದ್ ಇಸ್ಲಾಮಿಯನ್ನು ಕೂಡ ಭೇಟಿಯಾಗಲಿದ್ದಾರೆ. ಅಂದಹಾಗೆ ಗ್ರೋಸ್ಸಿ ಕಳೆದ ಸೆಪ್ಟೆಂಬರ್ನಲ್ಲೂ ಇರಾನ್ಗೆ ಭೇಟಿ ನೀಡಿ, ಮೊಹ್ಮದ್ ಇಸ್ಲಅಮಿ ಜೊತೆ ಚರ್ಚೆ ನಡೆಸಿದ್ರು. ಇದೀಗ ಇರಾನ್ ಆಹ್ವಾನದ ಮೇರೆಗೆ ಮತ್ತೆ ಪ್ರವಾಸ ಕೈಗೊಳ್ತಿದ್ದಾರೆ. ಇದ್ರ ನಡುವೆ ಬಿಡುಗಡೆಯಾದ ಅಂತಾರಾಷ್ಟ್ರೀಯ ಅಟಾಮಿಕ್ ಎಜರ್ನಿ ಏಜೆನ್ಸಿಯ ಹೊಸ ವರದಿಯಲ್ಲಿ ಇರಾನ್ ಯುರೇನಿಯಂ ಸಂಗ್ರಹವನ್ನು ಹೆಚ್ಚಿಸಿದೆ ಅಂತ ಮಾಹಿತಿ ನೀಡಲಾಗಿದೆ. 2015ರಲ್ಲಿ ಅಮೆರಿಕ ಮತ್ತು ಮಿತ್ರರಾಷ್ಟ್ರಗಳ ಜೊತೆ ಮಾಡಿಕೊಂಡಿದ್ದ ಒಪ್ಪಂದವನ್ನು ಇರಾನ್ ಮುರಿದಿದೆ. ಕಳೆದ ನವೆಂಬರ್ 6ರವರೆಗೆ ಇರಾನ್ನಲ್ಲಿ 2489.7 ಕೆಜಿಯಷ್ಟು ಯುರೇನಿಯಂ ಸಂಗ್ರಹವಾಗಿದೆ ಅಂತ ವರದಿಯಲ್ಲಿ ಹೇಳಲಾಗಿದೆ.
-masthmagaa.com
Contact Us for Advertisement