masthmagaa.com:
ರಾಜ್ಯದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ಕಮ್ಮಿಯಾಗ್ತಿರೋ ನಡುವೆ ಡೆಂಘೀ ಪ್ರಕರಣಗಳು ಹೆಚ್ಚೆಚ್ಚು ವರದಿಯಾಗ್ತಿದೆ. ಸೆಪ್ಟೆಂಬರ್ 1ರಿಂದ ಇಲ್ಲಿವರೆಗೆ ಅಂದ್ರೆ ಬರೀ 17 ದಿನದಲ್ಲಿ 596 ಡೆಂಘೀ ಪ್ರಕರಣ ದೃಢಪಟ್ಟಿದೆ. ಬೆಂಗಳೂರಿನಲ್ಲಿ ಅತಿಹೆಚ್ಚು 150 ಪ್ರಕರಣ ವರದಿಯಾಗಿದೆ. ಡೆಂಘೀಯಲ್ಲಿ ಒಟ್ಟು ನಾಲ್ಕು ರೂಪಾಂತರಿಗಳಿವೆ ಡಿ1, ಡಿ2, ಡಿ3 ಮತ್ತು ಡಿ4. ಇದರಲ್ಲಿ ಡಿ2 ರೂಪಾಂತರಿ ಅಪಾಯಕಾರಿ ಎನ್ನಲಾಗುತ್ತೆ. ಈ ಎಲ್ಲಾ ರೂಪಾಂತರಿಗಳು ಕೂಡ ರಾಜ್ಯದ ವಿವಿಧ ಭಾಗಗಳಲ್ಲಿ ದೃಢಪಟ್ಟಿದೆ. ಆದ್ರೆ ಇದುವರೆಗೆ ಒಂದೂ ಸಾವು ಸಂಭವಿಸಿಲ್ಲ. ಇನ್ನು ಈ ವರ್ಷದ ಲೆಕ್ಕ ತಗೊಂಡ್ರೆ ರಾಜ್ಯದಲ್ಲಿ ಇದುವರೆಗೆ, 2,987 ಡಂಘೀ ಪ್ರಕರಣ ವರದಿಯಾಗಿದೆ. ಇದರಲ್ಲಿ ಅತಿಹೆಚ್ಚು 540 ಪ್ರಕರಣ ಬೆಂಗಳೂರಿನಲ್ಲಿ, ಉಡುಪಿಯಲ್ಲಿ 293, ಕಲಬುರಗಿಯಲ್ಲಿ 280, ಶಿವಮೊಗ್ಗದಲ್ಲಿ 226 ಮತ್ತು ದಕ್ಷಿಣ ಕನ್ನಡದಲ್ಲಿ 190 ಪ್ರಕರಣ ದೃಢಪಟ್ಟಿದೆ. 2020ರಲ್ಲಿ ಒಟ್ಟು 4,093 ಕೇಸ್ ದೃಢಪಟ್ಟಿತ್ತು. 5 ಸಾವು ಸಂಭವಿಸಿತ್ತು. ದಕ್ಷಿಣ ಕನ್ನಡದಲ್ಲಿ 2, ಬೆಂಗಳೂರು, ಧಾರವಾಡ ಮತ್ತು ಹಾವೇರಿಯಲ್ಲಿ ತಲಾ ಒಂದು ಸಾವು ಸಂಭವಿಸಿತ್ತು. ಕೇವಲ ಕರ್ನಾಟಕ ಮಾತ್ರವಲ್ಲ ದೇಶದ ವಿವಿಧ ರಾಜ್ಯಗಳಲ್ಲಿ ಡೆಂಘೀ ಪ್ರಕರಣಗಳು ಹೆಚ್ಚಾಗ್ತಿರೋದು ಆತಂಕಕ್ಕೆ ಕಾರಣವಾಗಿದೆ. ಉತ್ತರ ಪ್ರದೇಶದ ಮೀರತ್ನಲ್ಲಿ ಯಾರ್ದಾದ್ರೂ ಮನೆಯಲ್ಲಿ ಸೊಳ್ಳೆ ಲಾರ್ವಾಗಳು ಕಂಡುಬಂದ್ರೆ ಮೊದಲ ಸಲ ಅವರಿಗೆ ನೋಟಿಸ್ ನೀಡಲಾಗುತ್ತೆ, ಎರಡನೇ ಸಲ ದಂಡ ಹಾಕಲಾಗುತ್ತೆ, ಮೂರನೇ ಸಲ ಅಂಥವರ ಮೇಲೆ ಎಫ್ಐಆರ್ ದಾಖಲಿಸಲಾಗುತ್ತೆ ಅಂತ ಅಧಿಕಾರಿಗಳು ಎಚ್ಚರಿಸಿದ್ದಾರೆ.
-masthmagaa.com
Contact Us for Advertisement