masthmagaa.com:
ಭಾರತದಲ್ಲಿ ಮೇ 1ರಿಂದ 18 ವರ್ಷ ಮೇಲ್ಪಟ್ಟವರಿಗೂ ಲಸಿಕೆ ನೀಡಲಾಗ್ತಿದ್ದು, ಲಸಿಕೆ ಕೊರತೆಯ ಬಗ್ಗೆ ಚರ್ಚೆ ಜೋರಾಗಿದೆ. ಈ ನಡುವೆಯೇ ಮೇ 1ರಂದು ಸ್ಪುಟ್ನಿಕ್ 5 ಲಸಿಕೆಯ ಮೊದಲ ಬ್ಯಾಚ್ ಭಾರತ ತಲುಪಲಿದೆ ಅಂತ ರಷ್ಯನ್ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ ಮುಖ್ಯಸ್ಥ ಕಿರಿಲ್ ಡಿಮಿಟ್ರಿವ್ ಮಾಹಿತಿ ನೀಡಿದ್ದಾರೆ. ಆದ್ರೆ ಎಲ್ಲಿ ಉತ್ಪಾದನೆಯಾದ ಲಸಿಕೆ ಬರುತ್ತೆ..? ಎಷ್ಟು ಡೋಸ್ ಬರುತ್ತೆ ಅಂತ ಅವರು ಮಾಹಿತಿ ನೀಡಿಲ್ಲ. ಯಾಕಂದ್ರೆ ಸ್ಪುಟ್ನಿಕ್ 5ನ್ನು ಅಂತಾರಾಷ್ಟ್ರೀಯವಾಗಿ ಮಾರ್ಕೆಟಿಂಗ್ ಮಾಡ್ತಿರೋ ರಷ್ಯನ್ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್, ಈಗಾಗಲೇ ಭಾರತದ 5 ಲಸಿಕೆ ಉತ್ಪಾದಕ ಸಂಸ್ಥೆಗಳೊಂದಿಗೆ ವರ್ಷಕ್ಕೆ 85 ಕೋಟಿ ಡೋಸ್ ಲಸಿಕೆ ಉತ್ಪಾದಿಸಲು ಸಹಿ ಹಾಕಿದೆ. ಸದ್ಯಕ್ಕೆ ತಿಂಗಳಿಗೆ 5 ಕೋಟಿ ಡೋಸ್ ಉತ್ಪಾದನೆ ಮಾಡಲಿದ್ದು, ನಂತರದಲ್ಲಿ ಉತ್ಪಾದನೆ ಹೆಚ್ಚಿಸಲಾಗುತ್ತೆ ಅಂತಲೂ ಸಂಸ್ಥೆ ತಿಳಿಸಿದೆ.
-masthmagaa.com
Contact Us for Advertisement