masthmagaa.com:
ಭಾರತ ಸೇರಿದಂತೆ ಜಗತ್ತಿನೆಲ್ಲೆಡೆ ಆತಂಕ ಸೃಷ್ಟಿಸಿರೋ ಕೊರೋನಾ ವೈರಸ್ ಇದುವರೆಗೆ 3,000ಕ್ಕೂ ಹೆಚ್ಚು ಜನರನ್ನು ಬಲಿ ಪಡೆದಿದೆ. ಮಹಾಮಾರಿ ಹರಡದಂತೆ ತಡೆಯಲು ಎಲ್ಲಾ ದೇಶಗಳು ಹಲವು ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುತ್ತಿವೆ. ಅದರಲ್ಲೂ ಒಂದು ಹೆಜ್ಜೆ ಮುಂದೆ ಹೋಗಿರುವ ಇರಾನ್, ದೇಶದಾದ್ಯಂತ ವಿವಿಧ ಜೈಲಿನಲ್ಲಿರುವ ಸುಮಾರು 54 ಸಾವಿರ ಕೈದಿಗಳನ್ನು ತಾತ್ಕಾಲಿಕವಾಗಿ ಬಿಡುಗಡೆ ಮಾಡಿದೆ.
ಚೀನಾವನ್ನು ಹೊರತುಪಡಿಸಿದರೆ ಇರಾನ್ನಲ್ಲಿ ಕೊರೋನಾ ವೈರಸ್ಗೆ ಅತಿ ಹೆಚ್ಚು ಜನ ಬಲಿಯಾಗಿದ್ದಾರೆ. ಇದುವರೆಗೆ 77 ಜನ ಮೃತಪಟ್ಟಿದ್ದು, 2,300ಕ್ಕೂ ಹೆಚ್ಚು ಜನರಲ್ಲಿ ವೈರಸ್ ಪತ್ತೆಯಾಗಿದೆ. ಜೊತೆಗೆ ಇರಾನ್ನಲ್ಲಿರುವ ವಿಶ್ವ ಆರೋಗ್ಯ ಸಂಸ್ಥೆಯ ಓರ್ವ ಸಿಬ್ಬಂದಿಯಲ್ಲೂ ಸೋಂಕು ಪತ್ತೆಯಾಗಿದೆ.
ಇನ್ನು ಜಪಾನ್ನಲ್ಲಿ ವೈರಸ್ ಹರಡದಂತೆ ಮಾಡಲು ದೇಸಿ ವಿಮಾನಗಳ ಹಾರಾಟವನ್ನ ಕಡಿಮೆ ಮಾಡಲು ನಿರ್ಧರಿಸಲಾಗಿದೆ. ಜಪಾನ್ ಏರ್ಲೈನ್ಸ್ ಹಾಗೂ ಆಲ್ ನಿಪ್ಪೋನ್ ಏರ್ವೇಸ್ ಕಂಪನಿಗಳು ಮಾರ್ಚ್ 6ರಿಂದ 12ರವರೆಗೆ ದೇಸಿ ವಿಮಾನಗಳ ಹಾರಾಟ ಕಡಿಮೆ ಮಾಡುವುದಾಗಿ ಹೇಳಿದೆ. ಜಪಾನ್ನಲ್ಲಿ ಇದುವರೆಗೆ 1,000ಕ್ಕೂ ಹೆಚ್ಚು ಮಂದಿಯಲ್ಲಿ ವೈರಸ್ ಪತ್ತೆಯಾಗಿದೆ.
-masthmagaa.com
Contact Us for Advertisement