ಜಮ್ಮು ಕಾಶ್ಮೀರ: ಸೇನೆ ಮತ್ತು ಉಗ್ರರ ವಿರುದ್ಧ ಆಪರೇಷನ್ನಲ್ಲಿ ಸೇನೆಗೆ ದೊಡ್ಡ ಗೆಲುವು ಸಿಕ್ಕಿದೆ. ನಿನ್ನೆ ಇಲ್ಲಿನ ತ್ರಾಲ್ನಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಮೂವರು ಉಗ್ರರನ್ನು ಹೊಡೆದುರುಳಿಸಲಾಗಿದೆ. ಇವರಲ್ಲಿ ಜಗವತ್ ಉಲ್ ಹಿಂದ್ನ ಹಮೀದ್ ಲಲ್ಹಾರಿ ಕೂಡ ಸೇರಿದ್ದಾನೆ. ಈತ 2016ರಲ್ಲಿ ಜಾಕಿರ್ ಮೂಸಾನನ್ನು ಹೊಡೆದುರುಳಿಸಿದ ಬಳಿಕ ಸಂಘಟನೆಯ ಉಸ್ತುವಾರಿ ವಹಿಸಿಕೊಂಡಿದ್ದ ಎಂದು ಜಮ್ಮು ಕಾಶ್ಮೀರ ಪೊಲೀಸರು ಮಾಹಿತಿ ನೀಡಿದ್ದಾರೆ.
ಈ ಬಗ್ಗೆ ಸುದ್ದಿಗೋಷ್ಠಿ ನಡೆಸಿದ ಜಮ್ಮು ಕಾಶ್ಮೀರದ ಪೊಲೀಸ್ ಡಿಜಿಪಿ ದಿಲ್ ಬಾಗ್ ಸಿಂಗ್, ನಿನ್ನೆಯ ದಾಳಿಯಲ್ಲಿ ಹತರಾದ ಉಗ್ರರೆಲ್ಲಾ ಲೋಕಲ್ ಉಗ್ರರಾಗಿದ್ದು, ಇವರಲ್ಲಿ ಹಮೀದ್ ಲಲ್ಹಾರಿ ಕೂಡ ಒಬ್ಬ. ಜಾಕಿರ್ ಮೂಸಾ ಬಳಿಕ ಗ್ರೂಪ್ನ ಜವಾಬ್ದಾರಿಯನ್ನು ಲಲ್ಹಾರಿಗೆ ನೀಡಲಾಗಿತ್ತು. ಲಲ್ಹಾರಿ ತನ್ನ ಜೊತೆಗೆ ನಾವೇದ್ ಮತ್ತು ಜುನೈದ್ನನ್ನು ಸೇರಿಸಿಕೊಂಡಿದ್ದ. ಈ ಮೂವರೂ ಜೈಷ್ ಎ ಮೊಹ್ಮದ್ ಸಂಘಟನೆ ಜೊತೆಗೆ ಕೆಲಸ ಮಾಡುತ್ತಿದ್ದರು ಅಂತ ತಿಳಿಸಿದ್ದಾರೆ.
Contact Us for Advertisement