masthmagaa.com:
ಕೊರೋನಾ ಹಾವಳಿಯಿಂದ ರಾಜ್ಯದಲ್ಲಿ ಬಂದ್ ಆಗಿದ್ದ 1ರಿಂದ 5ನೇ ತರಗತಿಗಳು ಅಕ್ಟೋಬರ್ 25ನೇ ತಾರೀಖಿನಿಂದ ಓಪನ್ ಮಾಡಲು ರಾಜ್ಯ ಸರ್ಕಾರ ಅನುಮತಿ ನೀಡಿದೆ. ಕೊರೋನಾ ಕೇಸಸ್ ಕಮ್ಮಿಯಾದ ಮತ್ತು ಪಾಸಿಟಿವಿಟಿ ರೇಟ್ ಕಮ್ಮಿಯಾದ ಹಿನ್ನೆಲೆ ಶಾಲೆ ಆರಂಭ ಸೇರಿದಂತೆ ವಿವಿಧ ಕ್ಷೇತ್ರಗಳಿಗೆ ಕೆಲವೊಂದು ವಿನಾಯ್ತಿ ನೀಡಲು ಕೊರೋನಾ ತಾಂತ್ರಿಕ ಸಲಹಾ ಸಮಿತಿ ರಾಜ್ಯ ಸರ್ಕಾರಕ್ಕೆ ಶಿಫಾರಸು ಮಾಡಿದೆ. ಅದರಂತೆ ಅಕ್ಟೋಬರ್ 25ರಿಂದ 1ರಿಂದ 5ನೇ ತರಗತಿ ಮಕ್ಕಳಿಗೆ 50 ಪರ್ಸೆಂಟ್ ಕೆಪಾಸಿಟಿಯೊಂದಿಗೆ ಶಾಲೆ ಓಪನ್ ಮಾಡಲಾಗ್ತಿದೆ. ಶಾಲೆಗೆ ಬರುವ ಮಕ್ಕಳು ಪೋಷಕರಿಂದ ಅನುಮತಿ ಪತ್ರ ತರಬೇಕು. ಶಾಲೆಯ ಎಂಟ್ರಾನ್ಸ್ನಲ್ಲಿ ಕೊರೋನಾ ಲಕ್ಷಣಗಳ ಸ್ಕ್ರೀನಿಂಗ್ ನಡೆಸಬೇಕು. ಹ್ಯಾಂಡ್ ಸ್ಯಾನಿಟೈಸರ್ ವ್ಯವಸ್ಥೆ ಮಾಡಬೇಕು, ದೈಹಿಕ ಅಂತರ ಕಾಪಾಡಬೇಕು. ಎಂಟ್ರಾನ್ಸ್ ಮತ್ತು ಎಕ್ಸಿಟ್ನಲ್ಲಿ ಮಕ್ಕಳ ಗುಂಪು ಗೂಡುವಿಕೆಗೆ ಅವಕಾಶ ಕೊಡಬಾರ್ದು. ಎರಡೂ ಡೋಸ್ ಕೊರೋನಾ ಲಸಿಕೆ ಹಾಕಿಸಿದ ಶಿಕ್ಷಕರು ಮತ್ತು ಸಿಬ್ಬಂದಿಗೆ ಮಾತ್ರ ಅನುಮತಿ ನೀಡಬೇಕು. 50 ವರ್ಷ ಮೇಲ್ಪಟ್ಟ ಶಿಕ್ಷಕರು ಹೆಚ್ಚುವರಿಯಾಗಿ ಫೇಸ್ ಶೀಲ್ಡ್ ಅನ್ನ ಧರಿಸಬೇಕು. ಉಳಿದಂತೆ ಏನೆಲ್ಲಾ ಮುಂಜಾಗ್ರತೆ ವಹಿಸಬೇಕು ಅನ್ನೋದಕ್ಕೆ ಸಂಬಂಧಿಸಿದಂತೆ ಪ್ರಾಥಮಿಕ ಶಿಕ್ಷಣ ಇಲಾಖೆ ಮಾರ್ಗಸೂಚಿಯನ್ನ ಪ್ರಕಟಿಸಲಿದೆ ಅಂತ ಸರ್ಕಾರ ಹೇಳಿದೆ. ಇನ್ನು ಸ್ವಿಮ್ಮಿಂಗ್ ಪೂಲ್ಗಳನ್ನ 50 ಪರ್ಸೆಂಟ್ ಕೆಪಾಸಿಟಿಯೊಂದಿಗೆ ಓಪನ್ ಮಾಡಲು ಅವಕಾಶ ನೀಡಲಾಗಿದೆ. ಆದ್ರೆ ಎರಡೂ ಡೋಸ್ ಲಸಿಕೆ ಹಾಕಿಸಿಕೊಂಡು ಬರುವವರಿಗೆ ಮಾತ್ರ ಅವಕಾಶ. ಏರ್ಪೋರ್ಟ್ಗಳಲ್ಲಿ ಆರ್ಟಿ ಪಿಸಿಆರ್ ಟೆಸ್ಟ್ ರಿಪೋರ್ಟ್ ಅನ್ನ ಪರಿಶೀಲಿಸುವ ಬದಲು ವಿದೇಶದಿಂದ ಬರುವ ಪ್ರಯಾಣಿಕರು ಆರ್ಟಿ ಪಿಸಿಆರ್ ರಿಪೋರ್ಟ್ ಅನ್ನ ಏರ್ ಸುವಿದಾ ಪೋರ್ಟಲ್ನಲ್ಲಿ ಅಪ್ಲೋಡ್ ಮಾಡಬೇಕು. ಸಂಬಂಧಪಟ್ಟ ಏರ್ಲೈನ್ ಕಂಪನಿ ಅದನ್ನ ಪರಿಶೀಲಿಸಬೇಕು ಅಂತ ಸೂಚಿಸಲಾಗಿದೆ. ಯುನೈಟೆಡ್ ಕಿಂಗ್ಡಂನಿಂದ ಬರುವ ಪ್ರಯಾಣಿಕರಿಗೆ ಕೇಂದ್ರ ಸರ್ಕಾರ ಸೂಚಿಸಿದ ನಿಯಮಗಳು ಮುಂದುವರಿಯುತ್ತೆ ಅಂತಾನೂ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
-masthmagaa.com
Contact Us for Advertisement