masthmagaa.com:
ಪಾಕಿಸ್ತಾನ: ಇಲ್ಲಿನ ಸ್ವಾತ್ ಜಿಲ್ಲೆಯಲ್ಲಿ ಪಾಕಿಸ್ತಾನಿ ಮತ್ತು ಇಟಾಲಿಯನ್ ಪುರಾತತ್ವ ತಜ್ಞರು ಒಂದು ದೇಗುಲವನ್ನು ಪತ್ತೆಹಚ್ಚಿದ್ದಾರೆ. ಇದು 1300 ವರ್ಷಗಳಷ್ಟು ಹಿಂದೆ ನಿರ್ಮಿಸಲಾದ ದೇವಾಲಯವಾಗಿದೆ ಅಂತ ತಿಳಿದು ಬಂದಿದೆ. ಇಲ್ಲಿನ ಬರಿಕೋಟ್ ಘುಂಡೈನಲ್ಲಿರೋ ಬೆಟ್ಟದಲ್ಲಿ ಉತ್ಖನನ ವೇಳೆ ಈ ದೇಗುಲ ಪತ್ತೆಯಾಗಿದೆ.
ಈ ಭಾಗದಲ್ಲಿ ಹಿಂದೂ ಶಾಹಿ ಮತ್ತು ಕಾಬೂಲ್ ಶಾಹಿಯ ಒಂದು ರಾಜ ವಂಶ ಇತ್ತು. ಅದು ಕಾಬೂಲ್, ಗಂಧಾರ ಮತ್ತು ವಾಯುವ್ಯ ಭಾರತವನ್ನು ಆಳುತ್ತಿತ್ತು. ಅವರ ಕಾಲದಲ್ಲೇ ಈ ದೇಗುಲ ನಿರ್ಮಾಣವಾಗಿರಬಹುದು ಅಂತ ಖೈಬರ್ ಪಕ್ತುಂಕ್ವಾ ಪ್ರಾಂತ್ಯದ ಪುರಾತತ್ವ ಇಲಾಖೆ ಮಾಹಿತಿ ನೀಡಿದೆ.
ಈ ದೇಗುಲದ ಬಳಿ ಮಿಲಿಟರಿ ಕಂಟೋನ್ಮೆಂಟ್ ಮತ್ತು ಕಾವಲು ಗೋಪುರಗಳು ಇದ್ದ ಬಗ್ಗೆಯೂ ಕುರುಹುಗಳು ಸಿಕ್ಕಿವೆ. ಪಕ್ಕದಲ್ಲೇ ಒಂದು ನೀರಿನ ಟ್ಯಾಂಕ್ ಕೂಡ ಪತ್ತೆಯಾಗಿದ್ದು, ಪೂಜೆಗೂ ಮುನ್ನ ಆ ಟ್ಯಾಂಕಿಯ ನೀರಿನಲ್ಲೇ ಸ್ನಾನ ಮಾಡಲಾಗುತ್ತಿತ್ತು ಅಂತ ಅಧಿಕಾರಿಗಳು ಅಂದಾಜಿಸಿದ್ದಾರೆ.
-masthmagaa.com
Contact Us for Advertisement