masthmagaa.com:
ನೋಬೆಲ್ ಶಾಂತಿ ಪುರಸ್ಕೃತೆ ಮತ್ತು ಮಹಿಳಾ ಹಕ್ಕು ಹೋರಾಟಗಾತಿ ಮಲಾಲಾ ಯುಸುಫ್ಝೈ ಮದ್ವೆಯಾಗಿದ್ದಾರೆ. ಅಸ್ಸರ್ ಮಲಿಕ್ ಅನ್ನೋರನ್ನ ಮದ್ವೆಯಾಗಿದ್ದಾರೆ. ಯುನೈಟೆಡ್ ಕಿಂಗ್ಡಮ್ನ ಬರ್ಮಿಂಗ್ಹ್ಯಾಂನಲ್ಲಿರೋ ಮಲಾಲಾ ಅವರ ನಿವಾಸದಲ್ಲಿ ಸರಳವಾಗಿ ಮದ್ವೆ ಕಾರ್ಯಕ್ರಮ ನೆರವೇರಿದೆ. ನಮಗೆ ಆಶೀರ್ವಾದ ಮಾಡಿ ಅಂತ ಮಲಾಲಾ ಯುಸುಫ್ಝೈ ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ತಮ್ಮ ಪತಿ ಬಗ್ಗೆ ಮಲಾಲಾ ಹೆಸರನ್ನ ಬಿಟ್ಟು ಹೆಚ್ಚಿನ ಮಾಹಿತಿ ನೀಡಿಲ್ಲ. ಆದ್ರೆ ಈ ಅಸ್ಸರ್ ಮಲಿಕ್ ಪಾಕಿಸ್ತಾನ್ ಕ್ರಿಕೆಟ್ ಬೋರ್ಡ್ನ ಹೈ ಪರ್ಫಾಮೆನ್ಸ್ ಸೆಂಟರ್ನ ಜನರಲ್ ಮ್ಯಾನೇಜರ್ ಅಂತ ನೆಟ್ಟಿಗರು ಕಂಡು ಹಿಡಿದಿದ್ಧಾರೆ. ಅಂದ್ಹಾಗೆ ಪಾಕಿಸ್ತಾನ ಮೂಲದ ಮಲಾಲಾಗೆ 2014ರಲ್ಲಿ ಭಾರತದ ಕೈಲಾಶ್ ಸತ್ಯಾರ್ಥಿ ಜೊತೆ ನೋಬೆಲ್ ಶಾಂತಿ ಪ್ರಶಸ್ತಿ ಸಿಕ್ಕಿತ್ತು. ಆಗ ಮಲಾಲಾಗೆ ಕೇವಲ 17 ವರ್ಷ ವಯಸ್ಸು. ಈ ಮೂಲಕ ನೋಬೆಲ್ ಪೀಸ್ ಪ್ರೈಸ್ ಗೆದ್ದ ಅತಿ ಕಿರಿಯ ವ್ಯಕ್ತಿ ಎನಿಸಿಕೊಂಡಿದ್ರು. ಈ ಮಲಾಲಾ ಯುಸುಫ್ಝೈ 2009ರಲ್ಲೇ ಅಂದ್ರೆ 12 ವರ್ಷದ ಬಾಲಕಿಯಾಗಿದ್ದಾಗಲೇ ಪಾಕಿಸ್ತಾನದ ಸ್ವಾಟ್ ಕಣಿವೆಯಲ್ಲಿ ತಾಲಿಬಾನಿಗಳ ಅಟ್ಟಹಾಸದ ಬಗ್ಗೆ ಬಿಬಿಸಿಯಲ್ಲಿ ಬರೆಯುತ್ತಿದ್ದರು. ಈಕೆಯ ಬಾಯಿಯನ್ನ ಮುಚ್ಚಿಸಬೇಕು ಅಂತ 2012ರಲ್ಲಿ ಒಂದ್ಸಲ ಪಾಕಿಸ್ತಾನ್ ತಾಲಿಬಾನ್ ಸಂಘಟನೆ ಈಕೆಯ ತಲೆಗೆ ಗುಂಡು ಹಾರಿಸಿತ್ತು. ಅದೃಷ್ಟವಶಾತ್ ಬಾಲಕಿ ಮಲಾಲಾ ಚಿಕಿತ್ಸೆ ಪಡೆದು ಬದುಕುಳಿದಿದ್ದಳು. ಹೀಗೆ ತಾಲಿಬಾನಿಗಳನ್ನ ಎದುರು ಹಾಕ್ಕೊಂಡು ಪಾಕಿಸ್ತಾನದಲ್ಲಿ ಹೆಣ್ಣುಮಕ್ಕಳ ಶಿಕ್ಷಣಕ್ಕೆ ಹೋರಾಡಿದ ಮಲಾಲಾ ಸದ್ಯ ಯುನೈಟೆಡ್ ಕಿಂಗ್ಡಮ್ನಲ್ಲಿ ಸೆಟಲ್ ಆಗಿದ್ದಾರೆ.
-masthmagaa.com
Contact Us for Advertisement