masthmagaa.com:
ದಕ್ಷಿಣ ಆಫ್ರಿಕಾ ಮಾಜಿ ಅಧ್ಯಕ್ಷ, ವರ್ಣಬೇಧ ನೀತಿ ವಿರುದ್ಧದ ಹೋರಾಟಗಾರ ನೆಲ್ಸನ್ ಮಂಡೇಲಾ ಅವರ ಒಂದಷ್ಟು ವಸ್ತುಗಳನ್ನು ಮಾರಲು ಅವರ ಕುಟುಂಬಸ್ಥರು ನಿರ್ಧರಿಸಿದ್ದಾರೆ. ನೆಲ್ಸನ್ ಮಂಡೇಲಾರ ಸ್ಮಾರಕ ನಿರ್ಮಾಣಕ್ಕೆ ನೆರವು ನೀಡಲು ಈ ನಿರ್ಧಾರಕ್ಕೆ ಬಂದಿದೆ ಕುಟುಂಬ. ಹರಾಜಿಗೆ ಇಟ್ಟಿರೋ ವಸ್ತುಗಳಲ್ಲಿ ನೆಲ್ಸನ್ ಮಂಡೇಲಾ 1998 ಮತ್ತು 2003ರಲ್ಲಿ ಕ್ವೀನ್ ಎಲಿಜಬೆತ್ ಭೇಟಿಯ ವೇಳೆ ಧರಿಸಿದ್ದ ಶರ್ಟ್ಗಳು ಕೂಡ ಸೇರಿವೆ. ನ್ಯೂಯಾರ್ಕ್ ಮೂಲದ ಹರಾಜು ನಡೆಸೋ ಸಂಸ್ಥೆ ಘಾನ್ಝೀ ಡಿಸೆಂಬರ್ 11ರಿಂದ ಲೈವ್ ಮತ್ತು ಆನ್ಲೈನ್ನಲ್ಲಿ ಹರಾಜು ಪ್ರಕ್ರಿಯೆ ಶುರು ಮಾಡಲಿದೆ. ಇದ್ರಲ್ಲಿ ನೆಲ್ಸನ್ ಮಂಡೇಲಾಗೆ ಬರಾಕ್ ಒಬಾಮಾ ಸೇರಿದಂತೆ ವಿಶ್ವದ ಇತರೆ ನಾಯಕರು ನೀಡಿರೋ ಗಿಫ್ಟ್ಗಳು, ಪ್ಯಾಂಟ್, ಅವರು ಬಳಸುತ್ತಿದ್ದ ಬ್ರೀಫ್ಕೇಸ್ ಕೂಡ ಹರಾಜಿಗಿದೆ. ಇದ್ರಿಂದ ಬಂದ ದುಡ್ಡನ್ನು ಮಂಡೇಲಾರ ಸಮಾಧಿ ಇರೋ ಸ್ಥಳದಲ್ಲಿ ನಿರ್ಮಾಣವಾಗ್ತಿರೋ ಗಾರ್ಡನ್ಗೆ ಬಳಸಲು ನಿರ್ಧರಿಸಲಾಗಿದೆ. ಸೌತ್ ಆಫ್ರಿಕಾದ ಕುನುವಿನಲ್ಲಿ ನೆಲ್ಸನ್ ಮಂಡೇಲಾರ ಅಂತ್ಯಸಂಸ್ಕಾರ ಮಾಡಲಾಗಿತ್ತು. ಇವರು 2013ರಲ್ಲಿ ತಮ್ಮ 95ನೇ ವಯಸ್ಸಿನಲ್ಲಿ ಕೊನೆಯುಸಿರೆಳೆದಿದ್ರು.
-masthmagaa.com
Contact Us for Advertisement