masthmagaa.com:
ಹೈದ್ರಾಬಾದ್ನ ಭಾರತ್ ಬಯೋಟೆಕ್ ಮತ್ತು ಐಸಿಎಂಆರ್ ಜಂಟಿಯಾಗಿ ಅಭಿವೃದ್ಧಿಪಡಿಸಿರೋ ಕೋವಾಕ್ಸಿನ್ ಲಸಿಕೆ ಒಟ್ಟಾರೆಯಾಗಿ 78 ಪರ್ಸೆಂಟ್ ಪರಿಣಾಮಕಾರಿ ಅಂತ ಭಾರತ್ ಬಯೋಟೆಕ್ ಮತ್ತು ಐಸಿಎಂಆರ್ ಹೇಳಿಕೊಂಡಿವೆ. ಜೊತೆಗೆ ಗಂಭೀರ ಪ್ರಮಾಣದ ಕೊರೋನಾ ಇರೋರಿಗೆ 100 ಪರ್ಸೆಂಟ್ ಮತ್ತು ರೋಗದ ಲಕ್ಷಣ ಇಲ್ಲದವರಿಗೆ 70 ಪರ್ಸೆಂಟ್ ಪರಿಣಾಮಕಾರಿಯಾಗಿದೆ. ಸೋಂಕಿತರು ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆಯನ್ನ ಕೂಡ ಇದು ಕಮ್ಮಿ ಮಾಡುತ್ತೆ. ಎಲ್ಲಕ್ಕಿಂತ ಇಂಪಾರ್ಟೆಂಟ್ ಅಂದ್ರೆ ಕೊರೋನಾದ ಹಲವು ರೂಪಾಂತರಿ ವೈರಾಣುಗಳನ್ನ ಕೂಡ ಕೋವಾಕ್ಸಿನ್ ಲಸಿಕೆ ನಿಷ್ಕ್ರಿಯಗೊಳಿಸುತ್ತೆ. ಎರಡೆರಡು ಬಾರಿ ರೂಪಾಂತರಿಗೊಂಡ ಅಂದ್ರೆ ಡಬಲ್ ಮ್ಯೂಟಂಟ್ ಸ್ಟ್ರೈನ್ ಅನ್ನ ಕೂಡ ನಿಷ್ಕ್ರಿಯಗೊಳಿಸುತ್ತೆ ಅಂತ ಐಸಿಎಂಆರ್ ಹೇಳಿದೆ. ಈ ಲಸಿಕೆಯ ಮೂರನೇ ಹಂತದ ಮಾನವ ಪ್ರಯೋಗದ ವೇಳೆ ರೋಗ ಲಕ್ಷಣ ಇರುವ 87 ಕೇಸ್ಗಳನ್ನ ಅಧ್ಯಯನ ನಡೆಸಿದಾಗ ಸಿಕ್ಕ ಎರಡನೇ ಮಧ್ಯಂತರ ವಿಶ್ಲೇಷಣೆ ವೇಳೆ ಈ ವಿಚಾರ ಗೊತ್ತಾಗಿದೆ. ಮೊದಲ ಮಧ್ಯಂತರ ವಿಶ್ಲೇಷಣೆ ವೇಳೆ ಅಂದ್ರೆ ಮಾರ್ಚ್ ತಿಂಗಳಲ್ಲಿ ಕೋವಾಕ್ಸಿನ್ ಲಸಿಕೆ 81 ಪರ್ಸೆಂಟ್ ಪರಿಣಾಮಕಾರಿ ಅಂತ ಹೇಳಲಾಗಿತ್ತು. ಇದೀಗ ಆ ಪರ್ಸೆಂಟೇಜ್ ಸ್ವಲ್ಪ ಕಮ್ಮಿಯಾಗಿ 78ಕ್ಕೆ ಇಳಿದಿದೆ.
-masthmagaa.com
Contact Us for Advertisement