masthmagaa.com:
ವಿದೇಶದಿಂದ ಹೈದ್ರಾಬಾದ್ಗೆ ಬಂದಿದ್ದ ಇಬ್ಬರಿಗೆ ಒಮೈಕ್ರಾನ್ ರೂಪಾಂತರಿ ದೃಢಫಟ್ಟಿದೆ ಅಂತ ತೆಲಂಗಾಣ ಆರೋಗ್ಯ ಇಲಾಖೆ ಹೇಳಿದೆ. ಸೊಮಾಲಿಯಾದಿಂದ ಬಂದ ಪುರುಷ ಮತ್ತು ಕೀನ್ಯಾದಿಂದ ಬಂದ ಮಹಿಳೆಗೆ ಹೊಸ ತಳಿ ಅಂಟಿದೆ. ಇವೆರೆಡು ಕೂಡ ಕೇಂದ್ರ ಸರ್ಕಾರದ ಹೈ ರಿಸ್ಕ್ ದೇಶಗಳ ಪಟ್ಟಿಯಲ್ಲಿಲ್ಲ. ಇವರಿಬ್ರು ದುಬೈ ಮೂಲಕ ಹೈದ್ರಾಬಾದ್ಗೆ ಬಂದಿದ್ರು. ಅತ್ತ ಅಬುಧಾಬಿಯಿಂದ ಹೈದ್ರಾಬಾದ್ ಮೂಲಕ ಪಶ್ಚಿಮ ಬಂಗಾಳಕ್ಕೆ ಬಂದಿದ್ದ 7 ವರ್ಷದ ಮಗುವಿಗೆ ಒಮೈಕ್ರಾನ್ ದೃಢಪಟ್ಟಿದೆ. ಮಗುವಿನ ಪೋಷಕರಿಗೆ ಕೊರೋನಾ ಪರೀಕ್ಷೆ ಮಾಡಿದಾಗ ಅವರಿಗೆ ನೆಗೆಟಿವ್ ಬಂದಿದೆ. ಒಮೈಕ್ರಾನ್ ಬಗ್ಗೆ ಮಾತನಾಡಿರೋ ಕರ್ನಾಟಕ ಆರೋಗ್ಯ ಸಚಿವ ಡಾ.ಕೆ. ಸುಧಾಕರ್, ಒಮೈಕ್ರಾನ್ ತುಂಬಾ ವೇಗವಾಗಿ ಹರಡುವ ಸಾಮರ್ಥ್ಯ ಹೊಂದಿದೆ. ಮಾಸ್ಕ್ ಧರಿಸೋದು, ಸಾಮಾಜಿ ಅಂತರ ಕಾಪಾಡೋದನ್ನ ಮರೀಬಾರ್ದು. ದುರಾದೃಷ್ಟ ಅಂದ್ರೆ ಜನ ಮಾಸ್ಕ್ ಧರಿಸುತ್ತಿಲ್ಲ. ಈ ಬಗ್ಗೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತೆ ಎಂದಿದ್ದಾರೆ.
-masthmagaa.com
2021-12-15
