masthmagaa.com:
ಭಾರತದಲ್ಲಿ ಪೆಗಾಸಸ್ ಸ್ಪೈವೇರ್ ಸಾಫ್ಟ್ವೇರ್ ಬಗ್ಗೆ ಚರ್ಚೆಗಳು ನಡೀತಿರುವಾಗಲೇ, ಜಗತ್ತಿನ ಪವರ್ಫುಲ್ ಹ್ಯಾಕಿಂಗ್ ಸಾಫ್ಟ್ವೇರ್ಗಳಲ್ಲಿ ಒಂದಾಗಿರೋ ಪೆಗಾಸಸ್ ಅನ್ನ ತಾನು ಖರೀದಿಸಿರೋದಾಗಿ ಅಮೆರಿಕದ ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ – FBI ಖಚಿತಪಡಿದೆ. ಆದ್ರೆ ಇಸ್ರೇಲ್ನ NSO ಗ್ರೂಪ್ನಿಂದ ತಾನು ಪರ್ಚೇಸ್ ಮಾಡಿರೋದು ಲಿಮಿಟೆಡ್ ಲೈಸೆನ್ಸ್ನ ಸಾಫ್ಟ್ವೇರ್. ಅಂದ್ರೆ ಈ ಸಾಫ್ಟ್ವೇರ್ನ ಪರೀಕ್ಷೆ ಮತ್ತು ಮೌಲ್ಯಮಾಪನಕ್ಕೆ ಮಾತ್ರ ಆ್ಯಕ್ಸೆಸ್ ಇದೆ. ಅದನ್ನ ಮಾಡ್ತಿದ್ದೀವಿ. ಅದ್ಬಿಟ್ರೆ ಇದುವರೆಗೆ ಯಾವ ಪ್ರಕರಣದ ತನಿಖೆಗೂ ಪೆಗಾಸಸ್ ಸಾಫ್ಟ್ವೇರ್ ಅನ್ನ ಬಳಸಿಕೊಂಡಿಲ್ಲ ಅಂತಾನೂ ಎಫ್ಬಿಐ ಸ್ಪಷ್ಟನೆ ಕೊಟ್ಟಿದೆ. ಈ ಸಾಫ್ಟ್ವೇರ್ ರಾಂಗ್ ಹ್ಯಾಂಡ್ಸ್ಗೆ ಹೋಗ್ಬಾರ್ದು ಅನ್ನೋ ಕಾರಣಕ್ಕೆ ಇದರ ಪರೀಕ್ಷೆ ಮತ್ತು ಮೌಲ್ಯ ಮಾಪನ ಮಾಡ್ತಿರೋದಾಗಿ ಹೇಳಿದೆ. ಅಂದ್ಹಾಗೆ 2019ರಲ್ಲಿ ಡೊನಾಲ್ಡ್ ಟ್ರಂಪ್ ಅವಧಿಯಲ್ಲಿ ಈ ಸಾಫ್ಟ್ವೇರ್ ಅನ್ನ ಎಫ್ಬಿಐ ಖರೀದಿಸಿತ್ತು. ಆದ್ರೆ ಬೈಡೆನ್ ಸರ್ಕಾರ ಇತ್ತೀಚೆಗಷ್ಟೇ ಇಸ್ರೇಲ್ನ ಎನ್ಎಸ್ಒ ಗ್ರೂಪ್ ಅನ್ನ ವಾಣಿಜ್ಯ ಇಲಾಖೆಯ ಕಪ್ಪುಪಟ್ಟಿ – ಬ್ಲಾಕ್ಲಿಸ್ಟ್ಗೆ ಸೇರಿಸಿದೆ. ಇದರ ಹ್ಯಾಕಿಂಗ್ ಟೂಲ್ಸ್ ಬಳಸಿಕೊಂಡು ಸರ್ಕಾರಗಳು ತಮ್ಮ ವಿರೋಧಿಗಳನ್ನ ಮತ್ತು ಪತ್ರಕರ್ತರನ್ನ ಟಾರ್ಗೆಟ್ ಮಾಡ್ಬೋದು ಅನ್ನೋ ಕಾರಣ ಕೊಟ್ಟು ಬ್ಲಾಕ್ಲಿಸ್ಟ್ಗೆ ಸೇರಿಸಿತ್ತು. ಇಂಥಾ ಟೈಮಲ್ಲೇ ಎಫ್ಬಿಐ ತನ್ನ ಬಳಿ ಪೆಗಾಸಸ್ ಇದೆ ಅನ್ನೋದನ್ನ ಬಹಿರಂಗಪಡಿಸಿರೋದು ಸಾಕಷ್ಟು ಕುತೂಹಲ ಕೆರಳಿಸಿದೆ. ಸದ್ಯ ಪೆಗಾಸಸ್ ಸಾಫ್ಟ್ವೇರ್ ಬಗ್ಗೆ ಮೌಲ್ಯ ಮಾಪನ ಮಾಡ್ತಿರೋ ಎಫ್ಬಿಐಗೆ ಈ ಸಾಫ್ಟ್ವೇರ್ ಬಗ್ಗೆ ಸಂಪೂರ್ಣ ತೃಪ್ತಿ ಇಲ್ಲ ಅಂತ ಮೂಲಗಳು ತಿಳಿಸಿವೆ. ಯಾಕಂದ್ರೆ ಸಾಫ್ಟ್ವೇರ್ ಜೊತೆಗೆ ಎನ್ಎಸ್ಒ ಸೆನ್ಸಾರ್ಗಳನ್ನ ಅಳವಡಿಸಿರುತ್ತೆ. ಇದರಿಂದ ಒಂದ್ವೇಳೆ ಸರ್ಕಾರ ಸಾಫ್ಟ್ವೇರ್ನ ಲೊಕೇಷನ್ ಅನ್ನ ಚೇಂಜ್ ಮಾಡಿದ್ರೆ ಅದರ ಬಗ್ಗೆ ಇಸ್ರೇಲ್ನ ಎನ್ಎಸ್ಒ ಗ್ರೂಪ್ಗೂ ಅಲರ್ಟ್ ಮೆಸೇಜ್ ಹೋಗುತ್ತೆ. ಜೊತೆಗೆ ಈ ಸಾಫ್ಟ್ವೇರ್ ಅನ್ನ ಎನ್ಎಸ್ಒ ಗ್ರೂಪ್ನ ಇಂಜಿನಿಯರ್ಗಳೇ ಇನ್ಸ್ಟಾಲ್ ಮಾಡಬೇಕು ಅಂತಿದೆ. ಇದಕ್ಕೆಲ್ಲಾ ಎಫ್ಬಿಐ ವಿರೋಧ ವ್ಯಕ್ತಪಡಿಸಿತ್ತು. ಫೈನಲಿ ಈ ಟೆಕ್ನಾಲಜಿಯನ್ನ ದೊಡ್ಡ ಕಂಟೈನರ್ನಲ್ಲಿ ಇಡಲು ಎನ್ಎಸ್ಒ ಮತ್ತು ಎಫ್ಬಿಐ ಒಪ್ಪಿಕೊಂಡಿವೆ ಅಂತ ಮೂಲಗಳು ಹೇಳಿವೆ. ಪೆಗಾಸಸ್ ಮೂಲಕ ಓರ್ವ ವ್ಯಕ್ತಿಯ ಫೋನಿನ ಸಂಪೂರ್ಣ ಕಂಟ್ರೋಲ್ ಪಡೀಬಹುದು. ಆ ವ್ಯಕ್ತಿಯ ಮೊಬೈಲ್ಗೆ ಬರುವ ಮೆಸೇಜ್ನಿಂದ ಹಿಡಿದು ಫೋನ್ ಕಾಲ್ಸ್ವರೆಗೆ ಎಲ್ಲಾ ಕಂಟ್ರೋಲ್ ಸಿಗುತ್ತೆ. ಅಲ್ಲದೆ ಆ ವ್ಯಕ್ತಿಯ ಫೋನ್ ಅನ್ನ ರಿಮೋಟ್ ಲಿಸನಿಂನ್ ಡಿವೈಸ್ ಥರನೂ ಬಳಸಿಕೊಳ್ಳಬಹುದು. ಇದೇ ಕಾರಣಕ್ಕೆ ಈ ಸಾಫ್ಟ್ವೇರ್ ಇರೋ ದೇಶಗಳು ಇದನ್ನ ದುರುಪಯೋಗ ಪಡಿಸಿಕೊಳ್ಳಬಹುದು, ಎದುರಾಳಿಯನ್ನ ಟಾರ್ಗೆಟ್ ಮಾಡಬಹುದು ಅನ್ನೋದು ವಿವಾದಕ್ಕೆ ಕಾರಣವಾಗಿದೆ. ಆದ್ರೆ ಪೆಗಾಸಸ್ ಅಭಿವೃದ್ಧಿಪಡಿಸಿರೋ ಎನ್ಎಸ್ಒ ಗ್ರೂಪ್ ಹೇಳೋದೇ ಬೇರೆ. ಭಯೋತ್ಪಾದಕರನ್ನ, ಅಪರಾಧಿಗಳನ್ನ ಹಿಡಿಯಲು ತನ್ನ ಸಾಫ್ಟ್ವೇರ್ ತುಂಬಾ ಯೂಸ್ ಆಗುತ್ತೆ ಅನ್ನೋದು ಅದರ ವಾದ.
-masthmagaa.com
Contact Us for Advertisement