masthmagaa.com:
ದೇಶದಲ್ಲಿ ಪೆಟ್ರೋಲ್-ಡೀಸೆಲ್ ದರ ಗಗನಕ್ಕೇರುತ್ತಿದ್ದು, ವಿರೋಧ ಜಾಸ್ತಿಯಾಗ್ತಿದೆ. ಅದ್ರ ಬೆನ್ನಲ್ಲೇ ಇವತ್ತು ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಧರ್ಮೇಂದ್ರ ಪ್ರದಾನ್ ಮಾತನಾಡಿದ್ದು, ಜಾಗತಿಕ ಮಟ್ಟದಲ್ಲಿ ಕಚ್ಚಾತೈಲ ದರ ಜಾಸ್ತಿಯಾಗಿರೋದ್ರಿಂದ ದೇಶದಲ್ಲಿ ತೈಲ ದರ ಜಾಸ್ತಿಯಾಗಿದೆ. ಪ್ರತಿ ಬ್ಯಾರಲ್ಗೆ 70 ಡಾಲರ್ಗಿಂತ ಜಾಸ್ತಿಯಾಗಿದೆ. ಭಾರತಕ್ಕೆ ಬೇಕಾದ ಶೇ.80ರಷ್ಟು ತೈಲವನ್ನು ವಿದೇಶದಿಂದ ಆಮದು ಮಾಡಿಕೊಳ್ಳುತ್ತೆ ಅಂತ ಹೇಳಿದ್ದಾರೆ. ಜೊತೆಗೆ ತೈಲವನ್ನು ಜಿಎಸ್ಟಿ ವ್ಯಾಪ್ತಿಗೆ ತರಬೇಕಾ ಬೇಡ್ವಾ ಅನ್ನೋದನ್ನ ಜಿಎಸ್ಟಿ ಸಮಿತಿ ನಿರ್ಧರಿಸಬೇಕು. ಒಂದ್ವೇಳೆ ಪೆಟ್ರೋಲ್, ಡೀಸೆಲ್ ಜಿಎಸ್ಟಿ ವ್ಯಾಪ್ತಿಗೆ ಬಂದ್ರೆ ಬೆಲೆಯಲ್ಲಿ ಇಳಿಕೆಯಾಗುತ್ತೆ ಅಂತಲೂ ತಿಳಿಸಿದ್ದಾರೆ. ಇನ್ನು ಪೆಟ್ರೋಲ್- ಡೀಸೆಲ್ ದರ ಏರಿಕೆ ವಿಚಾರವಾಗಿ ಕೇಂದ್ರವನ್ನು ಗುರಿಯಾಗಿಸಿರೋ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ತೆರಿಗೆ ವಸೂಲಿ ಮಹಾಮಾರಿಯ ಅಲೆಗಳು ಬರುತ್ತಲೇ ಇವೆ. ಕಳೆದ 13 ತಿಂಗಳಲ್ಲಿ ಪೆಟ್ರೋಲ್ಗೆ 25 ರೂಪಾಯಿ 72 ಪೈಸೆ, ಡೀಸೆಲ್ಗೆ 23 ರೂಪಾಯಿ 92 ಪೈಸೆ ಬೆಲೆ ಏರಿಕೆಯಾಗಿದೆ ಅಂತ ಟ್ವೀಟ್ ಮಾಡಿದ್ದಾರೆ.
-masthmagaa.com
Contact Us for Advertisement