masthmagaa.com:
ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್ ಅಖ್ತರ್ ವಿರುದ್ಧ ಅಲ್ಲಿನ ಸರ್ಕಾರಿ ಸ್ವಾಮ್ಯದ ಪಿಟಿವಿ – ಪಾಕಿಸ್ತಾನ್ ಟೆಲಿವಿಷನ್ ಕಾರ್ಪೊರೇಷನ್ 10 ಕೋಟಿ ಮೊತ್ತದ ಮಾನನಷ್ಟ ಕೇಸ್ ಹಾಕಿದೆ. ಅಂದ್ಹಾಗೆ ಕಳೆದ ತಿಂಗಳು ಪಿಟಿವಿಯಲ್ಲಿ ಪಾಕಿಸ್ತಾನ್ ಮತ್ತು ನ್ಯೂಜಿಲ್ಯಾಂಡ್ ನಡುವಿನ ಟಿ-20 ವರ್ಲ್ಡ್ ಕಪ್ ಮ್ಯಾಚ್ ಬಗ್ಗೆ ‘ಗೇಮ್ ಆನ್ ಹೆ’ ಕಾರ್ಯಕ್ರಮ ನಡೀತಿತ್ತು. ಈ ವೇಳೆ ಕಾರ್ಯಕ್ರಮದ ನಿರೂಪಕ ನೌಮಾನ್ ನಿಯಾಝ್, ನ್ಯೂಜಿಲೆಂಡ್ ವಿರುದ್ಧ ಚೇಸ್ ಮಾಡುವಲ್ಲಿ ಪಾಕಿಸ್ತಾನ ಏನಾದ್ರೂ ಗೊಂದಲ ಮಾಡಿಕೊಳ್ತಾ ಅಂತ ಕೇಳಿದ್ರು. ಈ ಪ್ರಶ್ನೆಯನ್ನ ಇಗ್ನೋರ್ ಮಾಡೋ ಅಖ್ತರ್, ಪಾಕ್ ವೇಗಿ ಹ್ಯಾರಿಸ್ ರೌಫ್ ಬಗ್ಗೆ ಮಾತಾಡೋಕೆ ಶುರು ಮಾಡಿದ್ರು. ಆಗ ನಿರೂಪಕ ನೌಮಾನ್ ನಿಯಾಝ್ಗೆ ಸಿಟ್ಟು ಬಂದು ಲೈವ್ನಲ್ಲೇ, ನೀವು ಸ್ವಲ್ಪ ಅಸಭ್ಯವಾಗಿ ವರ್ತಿಸಿದ್ದೀರಿ. ನೀವು ಹೆಚ್ಚು ಸ್ಮಾರ್ಟ್ ಅಂತ ಅನಿಸಿದ್ರೆ ನೀವು ಬೇಕಾದ್ರೆ ನೀವು ಹೋಗಬಹುದು ಅಂತ ಆನ್ ಏರ್ನಲ್ಲೇ ಹೇಳ್ತಾರೆ. ಇದರ ಬೆನ್ನಲ್ಲೇ ಶೋಯೆಬ್ ಅಖ್ತರ್ ಲೈವ್ನಲ್ಲೇ ಎದ್ದು ಹೋಗ್ತಾರೆ. ಈ ಕಾರ್ಯಕ್ರಮದಲ್ಲಿ ವೆಸ್ಟ್ ಇಂಡೀಸ್ನ ಬ್ಯಾಟಿಂಗ್ ಲೆಜೆಂಡ್ ವಿವಿಯನ್ ರಿಚರ್ಡ್ಸ್ ಸೇರಿದಂತೆ ಹಲವರು ಭಾಗಿಯಾಗಿದ್ರು. ಇದೀಗ ಲೈವ್ನಲ್ಲೇ ಎದ್ದು ಹೋದ ಅಖ್ತರ್ ವಿರುದ್ಧ ಪಿಟಿವಿ ಮಾನನಷ್ಟ ಮೊಕದ್ದಮೆ ಹೂಡಿದೆ. ಅಖ್ತರ್ ಒಪ್ಪಂದವನ್ನ ಮುರಿದಿದ್ದಾರೆ, ಸಡನ್ ಆಗಿ ಹೀಗೆ ಮಾಡುವಂತಿಲ್ಲ, ಒಪ್ಪಂದದ ಪ್ರಕಾರ ಮೂರು ತಿಂಗಳ ನೋಟಿಸ್ ಪೀರಿಯಡ್ ಇರುತ್ತೆ. ಅದನ್ನ ಮುಗಿಸಬೇಕು ಅಥವಾ ಮೂರು ತಿಂಗಳ ಸ್ಯಾಲರಿಯನ್ನ ಕೊಟ್ಟು ಹೋಗಬೇಕು. ಆದ್ರೆ ಅಖ್ತರ್ ಆನ್ ಏರ್ನಲ್ಲೇ ಕಾರ್ಯಕ್ರಮ ಬಿಟ್ಟುಹೋಗಿದ್ದರಿಂದ ಪಿಟಿವಿಗೆ ಆರ್ಥಿಕವಾಗಿ ನಷ್ಟವಾಗಿದೆ. ಜೊತೆಗೆ ಟಿ-20 ವರ್ಲ್ಡ್ ಕಪ್ ನಡೀತಿದ್ದಾಗ ದುಬೈನಲ್ಲಿ ನಮಗೆ ಹೇಳದೇ ಕೇಳದೆ ಹೋಗಿದ್ದಾರೆ. ಇಷ್ಟೇ ಅಲ್ಲದೆ ಭಾರತೀಯ ಟಿವಿಯೊಂದರಲ್ಲಿ ಹರ್ಭಜನ್ ಸಿಂಗ್ ಜೊತೆ ಕಾಣಿಸಿಕೊಂಡಿದ್ದಾರೆ. ಇದೆಲ್ಲಾ ಕಾರಣದಿಂದ ನಮಗೆ ಲಾಸ್ ಆಗಿದೆ. ಹೀಗಾಗಿ ಅಖ್ತರ್ ಈಗ ತಮ್ಮ ಮೂರು ತಿಂಗಳ ಸ್ಯಾಲರಿ ಆದ 33 ಲಕ್ಷ ರೂಪಾಯಿ ಸೇರಿದಂತೆ ಒಟ್ಟು 10 ಕೋಟಿ ರೂಪಾಯಿ ಕೊಡ್ಬೇಕು ಅಂತ ಅಖ್ತರ್ಗೆ ನೋಟಿಸ್ ನೀಡಿದೆ. ಒಂದ್ವೇಳೆ ಕೊಡದೇ ಇದ್ದರೆ ಅಖ್ತರ್ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗಬೇಕಾಗುತ್ತೆ ಅಂತ ಎಚ್ಚರಿಸಿದೆ.
-masthmagaa.com
Contact Us for Advertisement