ಪಾಕಿಸ್ತಾನ: ಶ್ರೀಲಂಕಾ ವಿರುದ್ಧ ಪಾಕಿಸ್ತಾನ ಹೀನಾಯವಾಗಿ ಸೋತುಹೋದ ಬಳಿಕ ನಾಯಕ ಸರ್ಫರಾಜ್ ಅಹ್ಮದ್ ಅವರನ್ನು ನಾಯಕನ ಸ್ಥಾನದಿಂದ ಕೆಳಗಿಳಿಸಲಾಗಿದೆ. ಅಲ್ಲದೆ ಟೆಸ್ಟ್ ಮತ್ತು ಟಿ-20 ತಂಡದಿಂದಲೇ ಹೊರಗಿಡಲಾಗಿದೆ. ಹೀಗಂತ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಅಧ್ಯಕ್ಷ ಎಹಸಾನ್ ಮನಿ ಹೇಳಿದ್ದಾರೆ. ಜೊತೆಗೆ ಇದೊಂದು ಕಠಿಣ ನಿರ್ಧಾರವಾಗಲಿದ್ದು, ಇತ್ತೀಚೆಗೆ ಸರ್ಪರಾಜ್ ಅಹ್ಮದ್ ಫಾರ್ಮ್ನಲ್ಲಿ ಇರಲಿಲ್ಲ. ಹೀಗಾಗಿ ತಂಡದ ಹಿತದೃಷ್ಟಿಯಿಂದ ಈ ಕಠಿಣ ನಿರ್ಧಾರ ಕೈಗೊಳ್ಳಲಾಗಿದೆ ಅಂದ್ರು.
2019-20ನೇ ಸಾಲಿನ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ಗೆ ಅಜರ್ ಅಲಿಯವರನ್ನು ನಾಯಕನನ್ನಾಗಿ ನೇಮಕ ಮಾಡಲಾಗಿದೆ. ಇನ್ನು ಮುಂಬರುವ ಟಿ-20 ವಿಶ್ವಕಪ್ಗೆ ಬಾಬರ್ ಆಜಂ ಅವರನ್ನು ಪಾಕ್ ತಂಡದ ನಾಯಕನನ್ನಾಗಿ ಆರಿಸಲಾಗಿದೆ.
ನವೆಂಬರ್-ಡಿಸೆಂಬರ್ ತಿಂಗಳಲ್ಲಿ ಪಾಕಿಸ್ತಾನ-ಆಸ್ಟ್ರೇಲಿಯಾ ನಡುವೆ ಟಿ-20 ಸರಣಿ ನಡೆಯಲಿದೆ.
Contact Us for Advertisement