masthmagaa.com:
ಭೂಮಿ ಮೇಲೆ ಉತ್ತರವೇ ಸಿಗದ ಹಲವಾರು ಪ್ರಶ್ನೆಗಳಿವೆ. ಅಂತಹ ವಿಚಾರಗಳಲ್ಲಿ ಹೆಚ್ಚಿನವರ ಗಮನ ಹೋಗೋದು ಏಲಿಯನ್ಗಳತ್ತ.. ಅಂತಹ ವಿಚಿತ್ರಗಳಲ್ಲಿ ಸೌದಿ ಅರೇಬಿಯಾದಲ್ಲಿರೋ ಈ ಕಲ್ಲು ಕೂಡ ಒಂದಾಗಿದೆ. ಬೃಹತ್ ಕಲ್ಲುಬಂಡೆ ಇದಾಗಿದ್ದು, ಇದ್ರಲ್ಲಿ ಲೇಸರ್ನಿಂದ ಕತ್ತರಿಸಿದಂತೆ ಮಧ್ಯಕ್ಕೆ ನೇರವಾಗಿ ಕಟ್ ಮಾಡಲಾಗಿದೆ. ಆದ್ರೆ ಇದನ್ನ ಹೇಗೆ ಮಾಡಿರಬಹುದು ಅನ್ನೋದಕ್ಕೆ ಉತ್ತರವಿಲ್ಲ. ಕೆಲವರಂತೂ ಇದು ಮನುಷ್ಯರಿಂದ ಮಾಡಿರೋಕೆ ಸಾಧ್ಯವೇ ಇಲ್ಲ. ಇದನ್ನ ಏಲಿಯನ್ಗಳು ಮಾಡಿದ್ದು ಅಂತ ಹೇಳ್ತಾರೆ. ಇನ್ನು ಕೆಲವರು ಇದು ಹಿಂದಿನ ಕಾಲದಲ್ಲಿ ಮಾಡಲಾಗಿದೆ. ಈ ಮೂಲಕ ಆಗಿನ ಕಾಲದಲ್ಲಿ ತಂತ್ರಜ್ಞಾನ ಎಷ್ಟರಮಟ್ಟಿಗೆ ಮುಂದುವರಿದಿತ್ತು ಅನ್ನೋದನ್ನ ಅರ್ಥ ಮಾಡಿಕೊಳ್ಬೋದು ಅಂತ ವಾದಿಸ್ತಾರೆ. ಈಜಿಪ್ಟ್ನಲ್ಲಿ ಪಿರಮಿಡ್ ಹೇಗೆ ನಿರ್ಮಿಸಲಾಯ್ತೋ ಅದೇ ರೀತಿ ಈ ಕಲ್ಲನ್ನು ರಚಿಸಿರಬಹುದು ಅನ್ನೋ ವಾದ ಕೂಡ ಇದೆ. ಇದು ಸುಮಾರು 9 ಮೀಟರ್ ಎತ್ತರವಿದ್ದು, 7.6 ಮೀಟರ್ ಅಗಲವಿದೆ. ಇದ್ರ ಮೇಲೆ ಕೆಲವೊಂದು ಆಕೃತಿಗಳನ್ನು ಕೂಡ ಕೆತ್ತಲಾಗಿದ್ದು, ಒಂದು ಕುದುರೆ ಮತ್ತು ಮನುಷ್ಯನ ರಚನೆ ಕೂಡ ಇದೆ. ಇದೊಂದು ಫೇಮಸ್ ಪ್ರವಾಸಿಸ್ಥಳವಾಗಿದ್ದು, ದೂರದ ಪ್ರದೇಶಗಳಿಂದ ಇಲ್ಲಿಗೆ ಬರೋ ಜನ ಫೋಟೋ ತೆಗೆಸಿಕೊಳ್ತಾರೆ.
-masthmagaa.com
Contact Us for Advertisement