masthmagaa.com:
ಒಮೈಕ್ರಾನ್ ವಿರುದ್ಧ ನಾವು ಈಗಾಗಲೇ ಹಾಕಿಸಿಕೊಂಡಿರೋ ಕೊರೋನಾ ಲಸಿಕೆ ವರ್ಕೌಟ್ ಆಗದಿದ್ರೂ, ಗಂಭೀರ ಪ್ರಮಾಣದಲ್ಲಿ ನಮ್ಗೆ ಸಮಸ್ಯೆ ಆಗೋದನ್ನ ಮತ್ತು ಕೊರೋನಾದಿಂದಾಗುವ ಸಾವನ್ನ ಲಸಿಕೆ ತಡೆಯುತ್ತೆ ಅಂತ ತಜ್ಞರು ಹೇಳ್ತಿದ್ದಾರೆ. ಹೀಗಾಗಿ ಲಸಿಕೆ ಅಭಿಯಾನದಲ್ಲಿ ಯಾವ ದೇಶ ಫಸ್ಟ್ ಯಾವ ದೇಶ ಲಾಸ್ಟ್ ಅಂತ ಒಂದ್ಸರಿ ನೋಡಣ. ಇದು ಅಂತಾರಾಷ್ಟ್ರೀಯ ನ್ಯೂಸ್ ಏಜೆನ್ಸಿಯಾದ ಎಎಫ್ಪಿಯ ಅಂಕಿ ಅಂಶ. ಇದರ ಪ್ರಕಾರ, ವ್ಯಾಕ್ಸಿನೇಷನ್ ವಿಚಾರದಲ್ಲಿ ಯುಎಇ ಮೊದಲ ಸ್ಥಾನದಲ್ಲಿದೆ. ಅದು ತನ್ನ ಜನಸಂಖ್ಯೆಯ 90 ಪರ್ಸೆಂಟ್ ಜನರಿಗೆ ಲಸಿಕೆ ಹಾಕಿದೆ. ನಂತ್ರದ ಸ್ಥಾನದಲ್ಲಿ ಪೂರ್ಚುಗಲ್ 87 ಪರ್ಸೆಂಟ್, ಸಿಂಗಾಪುರ್ 86, ಕತಾರ್ 85, ಚಿಲಿ ಮತ್ತು ಮಾಲ್ಟಾ 84, ಕ್ಯೂಬಾ 81 ಪರ್ಸೆಂಟ್, ದಕ್ಷಿಣ ಕೊರಿಯಾ ಮತ್ತು ಕಾಂಬೋಡಿಯಾ 80 ಪರ್ಸೆಂಟ್ ಜನರಿಗೆ ಕೊರೋನಾ ಲಸಿಕೆ ಹಾಕಿ ಈ ಲಿಸ್ಟ್ನಲ್ಲಿ ಟಾಪ್ನಲ್ಲಿವೆ. ಇನ್ನು ಆರಂಭದಲ್ಲಿ ಲಸಿಕೆ ಅಭಿಯಾನದಲ್ಲಿ ಒಳ್ಳೇ ಸಾಧನೆ ಮಾಡಿದಗದ ಬ್ರಿಟನ್ 68 ಪರ್ಸೆಂಟ್, ಇಸ್ರೇಲ್ 67 ಮತ್ತು ಅಮೆರಿಕ 60 ಪರ್ಸೆಂಟ್ ಜನರಿಗೆ ಲಸಿಕೆ ಹಾಕಿದೆ. ಈ ಲಿಸ್ಟ್ನ ಕೊನೇ ಸ್ಥಾನದಲ್ಲಿ ಬುರುಂಡಿ ಮತ್ತು ಡೆಮಾಕ್ರೆಟಿಕ್ ರಿಪಬ್ಲಿಕ್ ಆಫ್ ಕಾಂಗೋ ಇವೆ. ಈ ದೇಶಗಳಲ್ಲಿ 0.1 ಪರ್ಸೆಂಟ್ಗೂ ಕಮ್ಮಿ ಜನರಿಗೆ ಲಸಿಕೆ ಹಾಕಲಾಗಿದೆ. ಇನ್ನು ಆಫ್ರಿಕಾ ಖಂಡದ ಎರಿಟ್ರಿಯಾ ಮತ್ತು ಏಷ್ಯಾ ಖಂಡದಲ್ಲಿ ಬರೋ ಉತ್ತರ ಕೊರಿಯಾ ಇದುವರೆಗೆ ಲಸಿಕೆ ಅಭಿಯಾನವನ್ನೇ ಶುರು ಮಾಡಿಲ್ಲ. ಕಿಮ್ ಜಾಂಗ್ ಉನ್ರ ಉತ್ತರ ಕೊರಿಯಾ ಅಂತೂ ಇದುವರೆಗೆ ಒಂದೇ ಒಂದು ಕೊರೋನಾ ಕೇಸ್ ವರದಿಯಾಗಿಲ್ಲ ಅಂತ ಹೇಳ್ತಿದೆ. ಅತ್ತ ಎರಿಟ್ರಿಯಾ ಲೆಕ್ಕದ ಪ್ರಕಾರ ಆ ದೇಶದಲ್ಲಿ ಇದುವರೆಗೆ ಸುಮಾರು ಏಳು ಸಾವಿರ ಜನರಿಗೆ ಕೊರೋನಾ ದೃಢಪಟ್ಟಿದೆ, 60 ಸಾವು ಸಂಭವಿಸಿದೆ.
-masthmagaa.com
Contact Us for Advertisement