masthmagaa.com:
ಅಮೆರಿಕ ಮತ್ತು ಅದರ ಮಿತ್ರರಾಷ್ಟ್ರಗಳ ಸ್ಯಾಂಕ್ಷನ್ಸ್ನಿಂದಾಗಿ ರಷ್ಯಾ ಈಗ ಜಗತ್ತಿನಲ್ಲಿ ಅತಿಹೆಚ್ಚು ಸ್ಯಾಂಕ್ಷನ್ಸ್ಗೆ ಒಳಗಾದ ದೇಶ ಎನಿಸಿಕೊಂಡಿದೆ. ಇರಾನ್ ಮತ್ತು ಸಿರಿಯಾವನ್ನ ಹಿಂದಿಕ್ಕಿರೋ ರಷ್ಯಾ ಸ್ಯಾಂಕ್ಷನ್ಸ್ ಲಿಸ್ಟ್ನಲ್ಲಿ ಮೊದಲ ಸ್ಥಾನಕ್ಕೆ ಬಂದಿದೆ. ರಷ್ಯಾ ಮೇಲೆ ಒಟ್ಟು 5,532 ಸ್ಯಾಂಕ್ಷನ್ಸ್ ಇವೆ. ಇದರಲ್ಲಿ ಅರ್ಧಕ್ಕರ್ಧ ಸ್ಯಾಂಕ್ಷನ್ಸ್ ಯುಕ್ರೇನ್ ಮೇಲೆ ಆಕ್ರಮಣ ಮಾಡಿದ ಬಳಿಕ ಬಿದ್ದಿವೆ. ರಷ್ಯಾ ಮೇಲೆ ಅತಿಹೆಚ್ಚು ಸ್ಯಾಂಕ್ಷನ್ಸ್ ಇರೋದು ಅಮೆರಿಕದ್ದು, ಸಾವಿರಕ್ಕೂ ಹೆಚ್ಚಿದೆ. ಇನ್ನು ಸ್ಯಾಂಕ್ಷನ್ಸ್ ಪಟ್ಟಿಯಲ್ಲಿ ರಷ್ಯಾ ನಂತರದ ಸ್ಥಾನದಲ್ಲಿ ಇರಾನ್ ಇದ್ದು, ಅದರ ಮೇಲೆ 3,616 ಸ್ಯಾಂಕ್ಷನ್ಸ್ ಇವೆ. ಮೂರನೇ ಸ್ಥಾನದಲ್ಲಿ ಸಿರಿಯಾ ಇದ್ದು, 2,608 ಸ್ಯಾಂಕ್ಷನ್ಸ್ ಇವೆ. ನಾಲ್ಕನೇ ಸ್ಥಾನದಲ್ಲಿ ಕಿಮ್ ಜಾಂಗ್ ಉನ್ರ ಉತ್ತರ ಕೊರಿಯಾ ಇದ್ದು, ತನ್ನ ಹೆಗಲ ಮೇಲೆ 2,077 ಸ್ಯಾಂಕ್ಷನ್ಸ್ ಹೊತ್ತುಕೊಂಡಿದೆ. ನಂತರ ಸ್ಥಾನದಲ್ಲಿ ವೆನೆಝುವೆಲಾ, ಮ್ಯಾನ್ಮಾರ್, ಕ್ಯೂಬಾ ಮುಂತಾದ ದೇಶಗಳಿವೆ.
-masthmagaa.com
Contact Us for Advertisement