masthmagaa.com:
ದಕ್ಷಿಣ ಚೀನಾ ಸಾಗರದಲ್ಲಿ ಗಸ್ತು ತಿರುಗುತ್ತಿದ್ದ ಅಮೆರಿಕದ ಪರಮಾಣು ಸಬ್ಮರೀನ್ಗೆ ಯಾವುದೋ ವಸ್ತುವೊಂದು ಡಿಕ್ಕಿಯಾಗಿದೆ. ಕಳೆದ ಶನಿವಾರ ಅಂದ್ರೆ ಅಕ್ಟೋಬರ್ 2ರಂದೇ ಈ ಘಟನೆ ಸಂಭವಿಸಿದ್ದು, ಸಬ್ಮರೀನ್ USS ಕನೆಕ್ಟಿಕಟ್ಗೆ ಡ್ಯಾಮೇಜ್ ಆಗಿದೆ. ಸಮುದ್ರದಾಳದಲ್ಲಿ ಕಾರ್ಯಾಚರಣೆ ವೇಳೆ ಈ ಘಟನೆಯಾಗಿದೆ. ಸಬ್ಮರೀನ್ನಲ್ಲಿದ್ದ 15 ಮಂದಿ ನಾವಿಕರಿಗೆ ಗಾಯಗಳಾಗಿದೆ. ಆದ್ರೆ ಅದೃಷ್ಟವಶಾತ್ ಯಾರಿಗೂ ಮಾರಣಾಂತಿಕ ಗಾಯಗಳಾಗಿಲ್ಲ. ಸಣ್ಣಪುಟ್ಟ ಗಾಳಗಳಷ್ಟೆ ಅಂತ ಅಮೆರಿಕದ ನೌಕಾಪಡೆ ತಿಳಿಸಿದೆ. ಆದ್ರೆ ಯಾವ ವಸ್ತುವಿಗೆ ಡಿಕ್ಕಿಯಾಗಿದೆ ಅನ್ನೋ ವಿಚಾರ ಇನ್ನೂ ಗೊತ್ತಾಗಿಲ್ಲ. ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಅದೇ ರೀತಿ ಸಬ್ಮರೀನ್ ಕೂಡ ಸುರಕ್ಷಿತವಾಗಿದ್ದು, ಸ್ಥಿರವಾಗಿದೆ. ನಾರ್ಮಲ್ ಆಗಿ ಕೆಲಸ ಮಾಡ್ತಿದೆ. ಇದ್ರ ಪರಮಾಣು ವಿಭಾಗಕ್ಕೂ ಏನೂ ಹಾನಿಯಾಗಿಲ್ಲ ಅಂತ ನೌಕಾಪಡೆ ತಿಳಿಸಿದೆ. ಸದ್ಯ ಈ ಸಬ್ಮರೀನ್ ಪಶ್ಚಿಮ ಪೆಸಿಫಿಕ್ ಸಮುದ್ರಲ್ಲಿರೋ ಅಮೆರಿಕಗೆ ಸೇರಿದ ಗುವಾಮ್ ದ್ವೀಪದ ಕಡೆಗೆ ಹೊರಟಿದೆ.
ಈ ನಡುವೆ ಚೀನಾದ ವಿರೋಧದ ನಡುವೆಯೂ ಫ್ರಾನ್ಸ್ನ ಸೆನೆಟರ್ಗಳ ನಿಯೋಗವೊಂದು ತೈವಾನ್ಗೆ ಹೋಗಿದೆ. ಫ್ರಾನ್ಸ್ನ ಮಾಜಿ ರಕ್ಷಣಾ ಸಚಿವರೂ ಆಗಿರೋ ಅಲೈನ್ ರಿಚರ್ಡ್ ಈ ನಿಯೋಗದ ನೇತೃತ್ವ ವಹಿಸಿದ್ದಾರೆ. ಐದು ದಿನಗಳ ಪ್ರವಾಸ ಇದಾಗಿದೆ. ಈ ವೇಳೆ ಅಲೈನ್ ರಿಚರ್ಡ್ ತೈವಾನ್ನ್ನು ಸ್ವತಂತ್ರ ದೇಶ ಅಂತ ಕರೆದಿದ್ದಾರೆ. ಈ ಪ್ರವಾಸಕ್ಕೆ ಫ್ರಾನ್ಸ್ನಲ್ಲಿರೋ ಚೀನಾ ರಾಯಭಾರಿ ಕಚೇರಿ ಕಡೆಯಿಂದ ವಿರೋಧ ವ್ಯಕ್ತಪಡಿಸಲಾಗಿತ್ತು. ಈ ಪ್ರವಾಸ ಚೀನಾದ ಹಿತಾಸಕ್ತಿಗೆ ವಿರುದ್ಧವಾಗಿದೆ. ಇದ್ರಿಂದ ಚೀನಾ-ಫ್ರಾನ್ಸ್ ಸಂಬಂಧಕ್ಕೂ ಧಕ್ಕೆಯುಂಟು ಮಾಡಲಿದೆ ಅಂತ ಎಚ್ಚರಿಸಿತ್ತು.
-masthmagaa.com
Contact Us for Advertisement