masthmagaa.com:
ಟಿ20 ವಿಶ್ವಕಪ್ ಕ್ರಿಕೆಟ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ಸೋತಿದ್ದಕ್ಕೆ ವಿರಾಟ್ ಕೊಹ್ಲಿ ಮಗಳಿಗೆ ಅತ್ಯಾಚಾರದ ಬೆದರಿಕೆ ಒಡ್ಡಲಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ದುಷ್ಟ ಹುಳುವೊಂದು ಈ ಬೆದರಿಕೆ ಒಡ್ಡಿದ್ದು, ರಾಷ್ಟ್ರೀಯ ಮಹಿಳಾ ಹಕ್ಕು ಆಯೋಗ ದೆಹಲಿ ಪೊಲೀಸರಿಗೆ ನೋಟಿಸ್ ನೀಡಿದೆ. ಆರೋಪಿಯನ್ನು ಅರೆಸ್ಟ್ ಮಾಡಿರೋ ಬಗ್ಗೆ, ಎಫ್ಐಆರ್ ಕುರಿತು ಮಾಹಿತಿ ನೀಡಿ, ಒಂದ್ವೇಳೆ ಇನ್ನೂ ಅರೆಸ್ಟ್ ಮಾಡಿಲ್ಲ ಅಂತಾದ್ರೆ ಅರೆಸ್ಟ್ ಮಾಡೋಕೆ ತಗೊಂಡಿರೋ ಕ್ರಮಗಳ ಬಗ್ಗೆ ನವೆಂಬರ್ 8ರ ಒಳಗೆ ಮಾಹಿತಿ ಕೊಡಿ ಅಂತ ಸೂಚಿಸಲಾಗಿದೆ. ಜೊತೆಗೆ ಈ ಬಗ್ಗೆ ಟ್ವೀಟ್ ಮಾಡಿರೋ ರಾಷ್ಟ್ರೀಯ ಮಹಿಳಾ ಆಯೋಗದ ಮುಖ್ಯಸ್ಥೆ ಸ್ವಾತಿ ಮಲಿವಾಲ್, 9 ತಿಂಗಳ ಮಗುವಿಗೆ ಈ ರೀತಿ ಬೆದರಿಕೆ ಒಡ್ಡೋದು ನಾಚಿಕೆಗೇಡಿನ ವಿಚಾರ. ಭಾರತ ತಂಡ ಸಾವಿರಾರು ಬಾರಿ ಹೆಮ್ಮೆಪಡುವಂತೆ ಮಾಡಿದೆ. ಆದ್ರೀಗ ಸೋತಾಗ ಈ ರೀತಿ ಸಿಲ್ಲಿಯಾಗಿ ಯಾಕೆ ವರ್ತಿಸಬೇಕು ಅಂತ ಕಿಡಿಕಾರಿದ್ದಾರೆ.
ಇನ್ನು ಕಳೆದ ವರ್ಷ ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ ಸೋತಾಗ ಸೋಷಿಯಲ್ ಮೀಡಿಯಾದಲ್ಲಿ ಧೋನಿ ಮಗಳು ಝೀವಾಗೂ ಇದೇ ರೀತಿ ಬೆದರಿಕೆ ಒಡ್ಡಲಾಗಿತ್ತು. ಈ ಪ್ರಕರಣ ಸಂಬಂಧ ಗುಜರಾತ್ ಮೂಲದ 16 ವರ್ಷದ ಬಾಲಕನನ್ನು ಅರೆಸ್ಟ್ ಮಾಡಲಾಗಿತ್ತು.
ಈ ಬಗ್ಗೆ ಪ್ರತಿಕ್ರಿಯಿಸಿರೋ ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ, ಇವರೆಲ್ಲಾ ದ್ವೇಷ ಭಾವನೆಗಳಿಂದ ತುಂಬಿ ಹೋಗಿದ್ದಾರೆ.. ಯಾಕಂದ್ರೆ ಅವರಿಗೆ ಯಾರೂ ಪ್ರೀತಿ ನೀಡೇ ಇಲ್ಲ. ಅವರನ್ನು ಕ್ಷಮಿಸಿ ಬಿಡಿ ವಿರಾಟ್ ಕೊಹ್ಲಿ ಅಂತ ಟ್ವೀಟ್ ಮಾಡಿದ್ದಾರೆ.
-masthmagaa.com
Contact Us for Advertisement