masthmagaa.com:
ಬ್ರಿಟನ್ನಲ್ಲಿ ಕೊರೋನಾ ಎರಡನೇ ಅಲೆ ಕಾಣಿಸಿಕೊಂಡ ಪರಿಣಾಮ ಜನವರಿಯಲ್ಲಿ ಕಠಿಣ ಲಾಕ್ಡೌನ್ ಹೇರಲಾಗಿತ್ತು. ಆದ್ರೆ ಈಗ ಬ್ರಿಟನ್ನಲ್ಲಿ ಲಸಿಕೆ ಅಭಿಯಾನವೂ ಜೋರಾಗಿ ನಡೀತಿದೆ. ಕೊರೋನಾ ಕೂಡ ಸ್ವಲ್ಪ ನಿಯಂತ್ರಣಕ್ಕೆ ಬಂದಹಾಗೆ ಕಾಣ್ತಿದೆ. ಹೀಗಾಗಿ ಈಗ ನಿಧಾನಕ್ಕೆ ಅನ್ಲಾಕ್ ಮಾಡುವ ಪ್ರಕ್ರಿಯೆ ಅನೌನ್ಸ್ ಮಾಡಿದ್ದಾರೆ ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್. ಹಂತಹಂತವಾಗಿ ಒಂದೊಂದೇ ವಲಯಗಳನ್ನ ಓಪನ್ ಮಾಡ್ತೀವಿ. ಆದ್ರೆ ಅನ್ಲಾಕ್ ಪ್ರಕ್ರಿಯೆ ಪೂರ್ತಿಯಾಗಲು, ಅಂದ್ರೆ ಎಲ್ಲಾ ನಿರ್ಬಂಧಗಳನ್ನ ತೆಗೆಯಲು ಜೂನ್ 21ರ ತನಕ ಟೈಮ್ ಬೇಕು ಅಂತ ಬೋರಿಸ್ ಜಾನ್ಸನ್ ಹೇಳಿದ್ದಾರೆ. ಬ್ರಿಟನ್ನಲ್ಲಿ ಕೊರೋನಾಗೆ 1 ಲಕ್ಷದ 30 ಸಾವಿರಕ್ಕೂ ಅಧಿಕ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಇದು ಜಗತ್ತಿನಲ್ಲೇ 5ನೇ ಅತಿಹೆಚ್ಚು. ಜೊತೆಗೆ ಬ್ರಿಟನ್ ಆರ್ಥಿಕತೆ 300 ವರ್ಷಗಳ ಹಿಂದಿನ ಮಟ್ಟಕ್ಕೆ ಕುಸಿದು ಹೋಗಿದೆ. ಹೀಗಾಗಿ ಮುಂದಿನ ದಿನಗಳು ಅತ್ಯಂತ ಕಠಿಣವಾಗಿರಲಿವೆ ಬ್ರಿಟನ್ ಪಾಲಿಗೆ.
-masthmagaa.com
Contact Us for Advertisement