ಬೋಪಾಲ್: 2 ಸರಕು ಸಾಗಣೆ ರೈಲುಗಳು ಮುಖಾಮುಖಿ ಡಿಕ್ಕಿಯಾಗಿದ್ದು, ಅದರಲ್ಲಿ ಮೂವರು ಸಾವನ್ನಪ್ಪಿದ್ದಾರೆ. ಮಧ್ಯಪ್ರದೇಶದ ಸಿಂಗ್ರೌಲಿಯಲ್ಲಿ ಬೆಳಗ್ಗೆ 5 ಗಂಟೆಗೆ ಈ ದುರ್ಘಟನೆ ಸಂಭವಿಸಿದೆ. ನ್ಯಾಷನಲ್ ಥರ್ಮಲ್ ಕಾರ್ಪೊರೇಷನ್ಗೆ ಸೇರಿದ ರೈಲುಗಳಾಗಿದ್ದು, ಒಂದು ಉತ್ತರ ಪ್ರದೇಶದ ರಿಹಾಂದ್ ನಗರದ ಎನ್ಟಿಪಿಸಿ ಪ್ಲಾಂಟ್ಗೆ ಕಲ್ಲಿದ್ದಲು ಸಾಗಿಸುತ್ತಿತ್ತು. ಇದೇ ವೇಳೆ ಮತ್ತೊಂದು ರೈಲು ಖಾಲಿಯಾಗಿ ವಾಪಸ್ ಆಗುತ್ತಿತ್ತು ಅನ್ನೋ ಮಾಹಿತಿ ಲಭ್ಯವಾಗಿದೆ.
ಮುಂಭಾಗದ ಬೋಗಿಗಳು ಜಖಂಗೊಂಡಿದ್ದು, ಅವುಗಳಲ್ಲಿ ಮೂವರು ಸಿಲುಕಿದ್ದರು. ಹೀಗಾಗಿ ಪೊಲೀಸರು ಮತ್ತು ಎನ್ಟಿಪಿಸಿ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದರು. ಆದ್ರೆ ರೈಲಿನಲ್ಲಿ ಸಿಲುಕಿದ್ದ ಮೂವರನ್ನು ರಕ್ಷಿಸಲು ಸಾಧ್ಯವಾಗಲಿಲ್ಲ. ಒಂದೇ ಹಳಿಯಲ್ಲಿ ತೆರಳಲು 2 ರೈಲುಗಳಿಗೆ ಅನುಮತಿ ನೀಡಿರೋದೇ ಈ ದುರ್ಘಟನೆಗೆ ಕಾರಣ ಅಂತ ತಿಳಿದುಬಂದಿದೆ.
Contact Us for Advertisement