masthmagaa.com:
ಕೊರೋನಾ ವೈರಸ್ಗೆ ವಿಶ್ವದ ಎಲ್ಲಾ ರಾಷ್ಟ್ರಗಳು ನಲುಗಿ ಹೋಗಿದ್ದರೆ, ಅಮರಿಕ ಹಾಗೂ ಚೀನಾ ನಡುವಿನ ‘ಕೊರೋನಾ’ ಯುದ್ಧ ಮಾತ್ರ ನಿಂತಿಲ್ಲ. ಕೊರೋನಾ ವೈರಸ್ ಅನ್ನ ಅಮೆರಿಕ ‘ಚೀನಾ ವೈರಸ್’ ಅಥವಾ ‘ಚೀನಾ ಕಾಯಿಲೆ’ ಅಂತ ಕರೆದರೆ.. ಕೊರೋನಾ ವೈರಸ್ ಬಂದಿದ್ದು ಅಮೆರಿಕ ಯೋಧರಿಂದ ಅಂತ ಇತ್ತೀಚೆಗಷ್ಟೇ ಚೀನಾದ ಅಧಿಕಾರಿಯೊಬ್ಬರು ಹೇಳಿದ್ದರು. ಕೊರೋನಾ ವೈರಸ್ ಹುಟ್ಟಿನ ಕುರಿತು ಅಮೆರಿಕ-ಚೀನಾ ನಡುವೆ ಕಿತ್ತಾಟ ನಡೆಯುತ್ತಿರುವಾಗಲೇ ಸ್ವತಃ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇದನ್ನ ‘ಚೈನಿಸ್ ವೈರಸ್’ ಅಂತ ಕರೆದಿದ್ದಾರೆ. ಈ ಮೂಲಕ ಉರಿಯೋ ಬೆಂಕಿಗೆ ಮತ್ತಷ್ಟು ತುಪ್ಪ ಸುರಿದಿದ್ದಾರೆ.
ಕಳೆದ ಡಿಸೆಂಬರ್ನಲ್ಲಿ ಚೀನಾದ ವುಹಾನ್ನಲ್ಲಿ ಕಾಣಿಸಿಕೊಂಡಿದ್ದ ಕೊರೋನಾ ವೈರಸ್ ಸದ್ಯ 148ಕ್ಕೂ ಹೆಚ್ಚು ದೇಶಗಳಿಗೆ ವ್ಯಾಪಿಸಿದೆ. ಇದುವರೆಗೆ 1,70,000ಕ್ಕು ಹೆಚ್ಚು ಜನರಲ್ಲಿ ಸೋಂಕು ದೃಢಪಟ್ಟಿದ್ದು, 6,600ಕ್ಕೂ ಹೆಚ್ಚು ಜನ ಮೃತಪಟ್ಟಿದ್ದಾರೆ ಅಂತ ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
-masthmagaa.com
Contact Us for Advertisement