masthmagaa.com:
ರಷ್ಯಾ ಬಳಿಕ ಇದೀಗ ಬೆಲಾರಸ್ನಲ್ಲಿ ‘ಸ್ಪುಟ್ನಿಕ್ V’ ಲಸಿಕೆಯ ಅಭಿಯಾನ ಶುರುವಾಗಿದೆ. ಲಸಿಕೆಯ ಅಭಿಯಾನ ಅಂದ್ರೆ ತನ್ನ ದೇಶದ ಜನರಿಗೆ ಸಾಮೂಹಿಕವಾಗಿ ಲಸಿಕೆ ಹಾಕುವ ಕಾರ್ಯಕ್ರಮ. ಈ ಮೂಲಕ ರಷ್ಯಾ ಬಳಿಕ ‘ಸ್ಪುಟ್ನಿಕ್ V’ ಲಸಿಕೆಯ ಅಭಿಯಾನ ಆರಂಭಿಸಿದ ಜಗತ್ತಿನ 2ನೇ ದೇಶ ಎನಿಸಿಕೊಂಡಿದೆ ಬೆಲಾರಸ್. ಯುರೋಪಿನ ರಾಷ್ಟ್ರವಾದ ಬೆಲಾರಸ್ ಪೂರ್ವ ಭಾಗದಲ್ಲಿ ರಷ್ಯಾ ಜೊತೆ ಗಡಿ ಹಂಚಿಕೊಂಡಿದೆ. ಬೆಲಾರಸ್ ರಷ್ಯಾದ ಮಿತ್ರ ರಾಷ್ಟ್ರ. ರಷ್ಯಾ ಜೊತೆ ರಾಜಕೀಯ ಮತ್ತು ಆರ್ಥಿಕವಾಗಿ ಉತ್ತಮ ಸಂಬಂಧ ಹೊಂದಿದೆ. ಹೀಗಾಗಿಯೇ ರಷ್ಯನ್ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ (RDIF) ಮತ್ತು ಗಮಲೇ ಇನ್ಸ್ಟಿಟ್ಯೂಟ್ ಅಭಿವೃದ್ಧಿಪಡಿಸಿರುವ ‘ಸ್ಪುಟ್ನಿಕ್ V’ ಲಸಿಕೆಗೆ ಡಿಸೆಂಬರ್ 21ರಂದು ಅನುಮೋದನೆ ಕೊಟ್ಟಿತ್ತು. ಇದೀಗ ಲಸಿಕೆ ಹಾಕುವ ಪ್ರಕ್ರಿಯೆಯನ್ನ ಕೂಡ ಆರಂಭಿಸಿದೆ. ಈ ಲಸಿಕೆಗೆ ಅರ್ಜೆಂಟೀನಾದಲ್ಲೂ ಅನುಮೋದನೆ ಸಿಕ್ಕಿದೆ. ಶೀಘ್ರದಲ್ಲೇ ಅಲ್ಲೂ ಲಸಿಕೆ ಹಾಕಲು ಆರಂಭಿಸಲಾಗುತ್ತೆ. ‘ಸ್ಪುಟ್ನಿಕ್ V’ ಲಸಿಕೆ ಶೇ. 95ರಷ್ಟು ಪರಿಣಾಮಕಾರಿ ಅಂತ ಕಂಪನಿ ಘೋಷಿಸಿಕೊಂಡಿದೆ.
-masthmagaa.com
Contact Us for Advertisement