masthmagaa.com:
ಅಮೆರಿಕ: ಟ್ರಂಪ್ ಅಧ್ಯಕ್ಷ ಗಾದಿಯಿಂದ ಕೆಳಗಿಳಿಯೋ ಮುನ್ನ ಅಮೆರಿಕ ಪಾಕಿಸ್ತಾನಕ್ಕೆ ದೊಡ್ಡ ಗುನ್ನ ಇಡೋ ಸಾಧ್ಯತೆ ದಟ್ಟವಾಗಿದೆ. ಯಾಕಂದ್ರೆ ಅಮೆರಿಕದ 117ನೇ ಕಾಂಗ್ರೆಸ್ನ ಮೊದಲನೇ ದಿನವೇ ಪಾಕಿಸ್ತಾನವನ್ನು ಮೇಜರ್ ನಾನ್ ನ್ಯಾಟೋ ಒಕ್ಕೂಟದಿಂದ ಹೊರಹಾಕುವ ಮಸೂದೆ ಮಂಡಿಸಿದೆ.
ರಿಪಬ್ಲಿಕಬ್ ಪಕ್ಷದ ಆ್ಯಂಡಿ ಬಿಗ್ಸ್ ಈ ಬಿಲ್ ಮಂಡಿಸಿದ್ದಾರೆ. ಪಾಕಿಸ್ತಾನ ತನ್ನ ದೇಶದಲ್ಲಿ ಹಕ್ಕಾನಿ ನೆಟ್ವರ್ಕ್ ಅಂದ್ರೆ ಉಗ್ರರ ವಿರುದ್ಧ ಮಿಲಿಟರಿ ಕಾರ್ಯಾಚರಣೆ ನಡೆಸುತ್ತಿರೋದನ್ನು ಮತ್ತು ಉಗ್ರರನ್ನು ಬಂಧಿಸಿ ಶಿಕ್ಷಿಸುತ್ತಿರುವ ಬಗ್ಗೆ ಅಧ್ಯಕ್ಷರ ಕಚೇರಿಯಿಂದ ಪ್ರಮಾಣೀಕರಿಸುವವರೆಗೆ ಪಾಕಿಸ್ತಾನಕ್ಕೆ ಪ್ರಮುಖ ನ್ಯಾಟೋ ಒಕ್ಕೂಟದ ಸದಸ್ಯತ್ವ ನೀಡಲು ಸಾಧ್ಯವಿಲ್ಲ ಅಂತ ಕೂಡ ಬಿಲ್ನಲ್ಲಿ ಹೇಳಲಾಗಿದೆ.
ಅಂದ್ರೆ ವಿಚಾರ ಸಿಂಪಲ್.. 2018ರಲ್ಲಿ ಡೊನಾಲ್ಡ್ ಟ್ರಂಪ್, ಪಾಕಿಸ್ತಾನಕ್ಕೆ ಅಮೆರಿಕದಿಂದ ಸಿಗುತ್ತಿದ್ದ ಹಣಕಾಸು ಮತ್ತು ರಕ್ಷಣಾ ನೆರವಿನ ಮೇಲೆ ನಿರ್ಬಂಧ ವಿಧಿಸಿದ್ರು. ಈಗ ಅಧ್ಯಕ್ಷಾವಧಿ ಮುಗಿಯುತ್ತಿರುವ ಹೊತ್ತಲ್ಲಿ ಮೇಜರ್ ನಾನ್ ನ್ಯಾಟೋ ಒಕ್ಕೂಟದಿಂದ ಹೊರಹಾಕುವ ಪ್ರಯತ್ನಕ್ಕೆ ಕೈ ಹಾಕಿದೆ.
ಸಾಮಾನ್ಯವಾಗಿ ಈ ಸ್ಥಾನವನ್ನು ನ್ಯಾಟೋದಲ್ಲಿ ಸದಸ್ಯತ್ವ ಹೊಂದಿಲ್ಲದ ರಾಷ್ಟ್ರಗಳಿಗೆ ಅಮೆರಿಕ ಕಡೆಯಿಂದ ನೀಡಲಾಗುತ್ತೆ. ಈ ಸ್ಥಾನಮಾನದಿಂದ ರಕ್ಷಣಾ ಸಾಮಗ್ರಿ ಪೂರೈಕೆ ಜೊತೆಗೆ ರಕ್ಷಣಾ ಕ್ಷೇತ್ರದಲ್ಲಿ ಸಂಶೋಧನೆ, ಅಭಿವೃದ್ಧಿಗೆ ಅಮೆರಿಕದ ಸಹಯೋಗ ಸಿಗುತ್ತೆ.. ಪಾಕಿಸ್ತಾನಕ್ಕೆ 2004ರಲ್ಲಿ ಈ ಸ್ಥಾನಮಾನ ನೀಡಲಾಗಿತ್ತು. ಆದ್ರೆ ಈಗ ಆ ಸ್ಥಾನದಿಂದ ಕಿತ್ತುಹಾಕಲು ಅಮೆರಿಕ ಕಾಂಗ್ರೆಸ್ನಲ್ಲಿ ಬಿಲ್ ಮಂಡನೆಯಾಗಿದೆ.
-masthmagaa.com
Contact Us for Advertisement