masthmagaa.com:
ಕೊರೋನಾ ವೈರಸ್ಗೆ ಆಕ್ಸ್ಫರ್ಡ್ ಯುನಿವರ್ಸಿಟಿ ಮತ್ತು ಆಸ್ಟ್ರಾಝೆನೆಕಾ ಕಂಪನಿ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ಲಸಿಕೆಗೆ ಬ್ರಿಟನ್ ಸರ್ಕಾರ ಅನುಮೋದನೆ ನೀಡಿದೆ. ಈ ಮೂಲಕ ಆಕ್ಸ್ಫರ್ಡ್ ಲಸಿಕೆಗೆ ಅನುಮೋದನೆ ನೀಡಿದ ಮೊದಲ ದೇಶ ಎನಿಸಿಕೊಂಡಿದೆ. ಬ್ರಿಟನ್ನಲ್ಲಿ ಹೊಸ ಪ್ರಭೇದದ ಕೊರೋನಾ ವೈರಾಣು ಹಾವಳಿ ಇಡ್ತಿರುವಾಗಲೇ ಈ ಲಸಿಕೆಗೆ ಅನುಮೋದನೆ ಕೊಟ್ಟಿರೋದು ಗಮನಾರ್ಹ. ಬ್ರಿಟನ್ನಲ್ಲಿ ಅನುಮೋದನೆ ಪಡೆದ 2ನೇ ಕೊರೋನಾ ಲಸಿಕೆ ಇದಾಗಿದೆ. ಈಗಾಗಲೇ ಫೈಝರ್ ಲಸಿಕೆಯನ್ನ ಅಲ್ಲಿನ ಜನರಿಗೆ ಹಾಕಲಾಗ್ತಿದೆ.
ಅಂದ್ಹಾಗೆ ಆಕ್ಸ್ಫರ್ಡ್ ಲಸಿಕೆಯ ಅರ್ಧ ಡೋಸ್ 90% ಪರಿಣಾಮಕಾರಿಯಾದ್ರೆ, ಪೂರ್ತಿ ಡೋಸ್ 62% ಪರಿಣಾಮಕಾರಿ ಅಂತ ಇತ್ತೀಚೆಗೆ ಕಂಪನಿ ಘೋಷಿಸಿಕೊಂಡಿತ್ತು. ಎರಡನ್ನೂ ಸೇರಿಸಿ ತಮ್ಮ ಲಸಿಕೆ 70.4% ಪರಿಣಾಮಕಾರಿ ಅಂತ ಹೇಳಿಕೊಂಡಿತ್ತು. ಭಾರತದಲ್ಲೂ ಆಕ್ಸ್ಫರ್ಡ್ ಲಸಿಕೆಯ ತುರ್ತು ಬಳಕೆಗೆ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಅರ್ಜಿ ಸಲ್ಲಿಸಿದೆ. ಆದ್ರೆ ಇದುವರೆಗೆ ಅನುಮತಿ ಸಿಕ್ಕಿಲ್ಲ. ಭಾರತದಲ್ಲಿ ಆಕ್ಸ್ಫರ್ಡ್ ಲಸಿಕೆಗೆ ‘ಕೋವಿಶೀಲ್ಡ್’ ಅಂತ ಹೆಸರಿಡಲಾಗಿದೆ. ಇದರ ಮಾನವ ಪ್ರಯೋಗ ಮತ್ತು ಪೂರೈಕೆಯನ್ನ ಸೀರಂ ಇನ್ಸ್ಟಿಟ್ಯೂಟೇ ನೋಡಿಕೊಳ್ತಿದೆ.
-masthmagaa.com
Contact Us for Advertisement