masthmagaa.com:
ಚೀನಾ: ಕೊರೋನಾ ವೈರಸ್ ಬಗ್ಗೆ ಮೊಟ್ಟ ಮೊದಲಿಗೆ ಮಾಹಿತಿ ನೀಡಿದ್ದ ಡಾ.ವೆನ್ಲಿಯಾಂಗ್ ಅವರ ಕುಟುಂಬದ ಬಳಿ ಚೀನಾ ಕ್ಷಮೆಯಾಚಿಸಿದೆ. ಇವರು ಮೊಟ್ಟ ಮೊದಲಿಗೆ ಕೊರೋನಾ ವೈರಸ್ ಬಗ್ಗೆ ಎಚ್ಚರಿಸಿದ್ದರು. ಆದ್ರೆ ಇವರು ವದಂತಿ ಹಬ್ಬಿಸುತ್ತಿದ್ದಾರೆ ಅಂತ ಅಧಿಕಾರಿಗಳು ಇವರನ್ನು ಸುಮ್ಮನಾಗಿಸಿದ್ದರು. ಆದ್ರೆ ನಂತರದಲ್ಲಿ ಡಾ.ವೆನ್ಲಿಯಾಂಗ್ ಮಾತು ಸತ್ಯವಾಗಿ ಅವರು ಕೂಡ ಇದೇ ವೈರಸ್ಗೆ ಸಾವನ್ನಪ್ಪಿದ್ದರು.
ಇದೀಗ ಚೀನಾ ಸರ್ಕಾರಕ್ಕೆ ತನ್ನ ತಪ್ಪಿನ ಅರಿವಾಗಿದ್ದು ಡಾ.ವೆನ್ಲಿಯಾಂಗ್ ಕುಟುಂಬದ ಬಳಿ ಕಮ್ಯೂನಿಸ್ಟ್ ಸರ್ಕಾರ ಕ್ಷಮೆಯಾಚಿಸಿದೆ. ಅಲ್ಲದೆ ಡಾ.ವೆನ್ಲಿಯಾಂಗ್ ಅವರ ಎಚ್ಚರಿಕೆಯನ್ನು ಅರ್ಥ ಮಾಡಿಕೊಳ್ಳುವಲ್ಲಿ ಚೀನಾ ಸರ್ಕಾರ ವಿಫಲವಾಗಿತ್ತು. ವೆನ್ಲಿಯಾಂಗ್ ಕಾಯಿಲೆ ಬಗ್ಗೆ ಹೇಳಿದಾಗ ಅವರಿಗೆ ಬೆದರಿಕೆಯೊಡ್ಡಿ ಸುಮ್ಮನಿರುವಂತೆ ಮಾಡಲಾಗಿತ್ತು. ಅಂತಹ ಪೊಲೀಸರ ವಿರುದ್ಧವೂ ಕ್ರಮ ತೆಗೆದುಕೊಳ್ಳಲಾಗುತ್ತೆ ಅಂತ ಹೇಳಿದೆ.
-masthmagaa.com
Contact Us for Advertisement