masthmagaa.com:
ಅಮೆರಿಕದಲ್ಲಿ ಮರಣ ಮೃದಂಗ ಬಾರಿಸುತ್ತಿರೋ ಕೊರೋನಾ ವೈರಸ್ಗೆ ಗುರುವಾರ ಒಂದೇ ದಿನ 1,169 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಒಂದೇ ದಿನ ಇಷ್ಟು ಜನ ಮೃತಪಟ್ಟಿರೋದು ಇದೇ ಮೊದಲು. ಈ ಮೂಲಕ ಅಮೆರಿಕದಲ್ಲಿ ಸಾವಿನ ಸಂಖ್ಯೆ 6,000ಕ್ಕೆ ಏರಿಕೆಯಾಗಿದೆ. ಜೊತೆಗೆ ಗುರುವಾರ 30 ಸಾವಿರಕ್ಕೂ ಹೆಚ್ಚು ಜನರಿಗೆ ಸೋಂಕು ತಗುಲಿರೋದು ದೃಢಪಟ್ಟಿದೆ. ಇದು ಕೂಡ ಈವರೆಗಿನ ದಾಖಲೆಯಾಗಿದೆ. ಸದ್ಯ ಅಮೆರಿಕದಲ್ಲಿ 2 ಲಕ್ಷದ 50 ಸಾವಿರ ಜನರಿಗೆ ಕಾಯಿಲೆ ಹರಡಿದ್ದು, 9 ಸಾವಿರ ಜನ ಗುಣಮುಖರಾಗಿದ್ದಾರೆ.
ಅಮೆರಿಕದಲ್ಲಿ ಈ ಕಾಯಿಲೆಯ ಕೇಂದ್ರಬಿಂದು ನ್ಯೂಯಾರ್ಕ್ ಆಗಿದ್ದು, ಅಲ್ಲಿ 1,500ಕ್ಕೂ ಹೆಚ್ಚು ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಉಳಿದಂತೆ ವಾಷಿಂಗ್ಟನ್, ಮಿಚಿಗನ್, ನ್ಯೂಜೆರ್ಸಿ, ಕ್ಯಾಲಿಫೋರ್ನಿಯಾಗಳು ತತ್ತರಿಸಿ ಹೋಗಿವೆ.
ಇದರ ನಡುವೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಎರಡನೇ ಬಾರಿ ನಡೆದ ಕೊರೋನಾ ಟೆಸ್ಟ್ನಲ್ಲೂ ನೆಗೆಟಿವ್ ಬಂದಿದೆ. ಇದನ್ನ ಸ್ವತಃ ಟ್ರಂಪ್ ಹೇಳಿಕೊಂಡಿದ್ದಾರೆ. ಇದಕ್ಕೂ ಮೊದಲು ಮಾರ್ಚ್ ಮಧ್ಯಭಾಗದಲ್ಲಿ ಮೊದಲ ಬಾರಿ ಕೊರೋನಾ ಪರೀಕ್ಷೆ ನಡೆದಿತ್ತು.
-masthmagaa.com
Contact Us for Advertisement