ಮಹಾರಾಷ್ಟ್ರ: ಪಿಎಂಸಿ(ಪಂಜಾಬ್ & ಮಹಾರಾಷ್ಟ್ರ ಕೋ ಆಪರೇಟಿವ್) ಬ್ಯಾಂಕ್ನಲ್ಲಿ ಖಾತೆ ಹೊಂದಿದ್ದ ಮತ್ತೋರ್ವ ಗ್ರಾಹಕ ಸಾವನ್ನಪ್ಪಿದ್ದಾರೆ. 59 ವರ್ಷದ ಫತ್ತೇಮಲ್ ಪಂಜಾಬಿ ಎಂಬುವವರು ಹಾರ್ಟ್ ಅಟ್ಯಾಗಿ ಆಗಿ ಸಾವನ್ನಪ್ಪಿದ್ದಾರೆ. ಈ ಮೂಲಕ 24 ಗಂಟೆಯಲ್ಲಿ ಇಬ್ಬರು ಪಿಎಂಸಿ ಬ್ಯಾಂಕ್ ಗ್ರಾಹಕರು ಸಾವನ್ನಪ್ಪಿದಂತಾಗಿದೆ.
ಇದಕ್ಕೂ ಮುನ್ನ ಓಶಿವಾರಾದಲ್ಲಿ ಸಂಜಯ್ ಗುಲಾಟಿ ಎಂಬುವವರು ಸಾವನ್ನಪ್ಪಿದ್ದರು. ಸೋಮವಾರ ಪಿಎಂಸಿ ಬ್ಯಾಂಕ್ ವಿರುದ್ದ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದ ಸಂಜಯ್ ಗುಲಾಟಿ, ಮನೆಗೆ ಬಂದ ನಂತರ ಹೃದಯಾಘಾತಕ್ಕೆ ಒಳಗಾಗಿ ಸಾವನ್ನಪ್ಪಿದ್ದರು. ಈ ಹಿಂದೆ ಜೆಟ್ ಏರ್ವೇಸ್ನಲ್ಲಿ ಕೆಲಸ ಮಾಡುತ್ತಿದ್ದ ಇವರನ್ನು ಇತ್ತೀಚೆಗಷ್ಟೇ ಕೆಲಸದಿಂದ ತೆಗೆಯಲಾಗಿತ್ತು. ಇವರ ಪುತ್ರ ದಿವ್ಯಾಂಗನಾಗಿದ್ದು, ಆತನ ಚಿಕಿತ್ಸೆಗಾಗಿ 90 ಲಕ್ಷ ರೂಪಾಯಿ ಬ್ಯಾಂಕ್ನಲ್ಲಿ ಇಟ್ಟಿದ್ದರು. ಆದ್ರೆ ಈಗ ಆ ಹಣ ತೆಗೆಯಲು ಸಾಧ್ಯವಾಗುತ್ತಿಲ್ಲ.
35 ವರ್ಷ ಹಳೆಯ ಈ ಬ್ಯಾಂಕ್ನಲ್ಲಿ ಸಾವಿರಾರು ಗ್ರಾಹಕರ ಹಣ ಇದೆ. ಆದ್ರೆ ಈಗ ಬ್ಯಾಂಕ್ನಿಂದ ಹಣ ತೆಗೆಯಲು ಸಾಧ್ಯವಾಗುತ್ತಿಲ್ಲ. ಸದ್ಯ ಬ್ಯಾಂಕ್ನಲ್ಲಿ ಗ್ರಾಹಕರ 11 ಸಾವಿರದ 617 ಕೋಟಿ ರೂಪಾಯಿ ಜಮೆಯಾಗಿದೆ. ಆದ್ರೆ ಈಗ ಹಗರಣ ನಡೆದಿರೋ ಶಂಕೆ ವ್ಯಕ್ತವಾಗಿದ್ದು ಬ್ಯಾಂಕ್ನಿಂದ ಹಣ ತೆಗೆಯಲು ಗ್ರಾಹಕರಿಗೆ ಸಾಧ್ಯವಾಗುತ್ತಿಲ್ಲ.
Contact Us for Advertisement