masthmagaa.com:
ಚೀನಾ ಕೊರೋನಾ ವೈರಸ್ಗೆ ಕಂಡು ಹಿಡಿದ ಔಷಧವನ್ನು ಮಾರ್ಚ್ 17ರಂದು ಕ್ಲಿನಿಕಲ್ ಟ್ರಯಲ್ ಶುರು ಮಾಡಿತ್ತು. ಇದೀಗ ಈ ಪರೀಕ್ಷೆಯಲ್ಲಿ ಚೀನಾಗೆ ಯಶಸ್ಸು ಸಿಕ್ಕಿದೆ. ಈ ಪರೀಕ್ಷೆಗೆ ಚೀನಾ 108 ಮಂದಿಯನ್ನು ಆಯ್ಕೆ ಮಾಡಿಕೊಂಡಿತ್ತು. ಇವರಲ್ಲಿ 14 ಮಂದಿ ವ್ಯಾಕ್ಸಿನ್ ಪರೀಕ್ಷಾ ಅವಧಿಯನ್ನು ಪೂರ್ಣಗೊಳಿಸಿದ್ದಾರೆ. ಇವರನ್ನು 14 ದಿನಗಳ ಕಾಲ ಕ್ವಾರಂಟೈನ್ನಲ್ಲಿ ಇರಿಸಲಾಗಿತ್ತು. ಇದೀಗ 14 ಮಂದಿ ಪರೀಕ್ಷಾ ಅವಧಿಯನ್ನು ಪೂರ್ಣಗೊಳಿಸಿ, ಆರೋಗ್ಯವಂತರಾಗಿ ತಮ್ಮ ತಮ್ಮ ಮನೆಗೆ ಹೋಗಿದ್ದಾರೆ. ವುಹಾನ್ನಲ್ಲಿ ಈ ಪರೀಕ್ಷೆಯನ್ನು ನಡೆಸಲಾಗಿತ್ತು.
ಈ ವ್ಯಾಕ್ಸಿನ್ನ್ನು ಬಯೋ ವಾರ್ಫೇರ್ ವಿಜ್ಞಾನಿ ಚೆನ್ ವೀ ಮತ್ತು ಅವರ ತಂಡ ಸಿದ್ಧಪಡಿಸಿತ್ತು. ಪರೀಕ್ಷೆಗೆ ಒಳಗಾದವರೆಲ್ಲರೂ 18ರಿಂದ 60 ವರ್ಷ ಒಳಗಿನವರಾಗಿದ್ದಾರೆ. ಇವರನ್ನು 3 ಗುಂಪುಗಳಾಗಿ ವಿಂಗಡಿಸಿ ಒಬ್ಬೊಬ್ಬರಿಗೆ ಒಂದೊಂದು ಪ್ರಮಾಣದಲ್ಲಿ ವ್ಯಾಕ್ಸಿನ್ ನೀಡಲಾಯ್ತು. ನಂತರ ವುಹಾನ್ನ ಸ್ಪೆಷಲ್ ಸರ್ವೀಸ್ ಹೆಲ್ತ್ ಸೆಂಟರ್ನಲ್ಲಿ ಕ್ವಾರಂಟೈನ್ನಲ್ಲಿಇಡಲಾಗಿತ್ತು.
ಈಗಾಗಲೇ ಪರೀಕ್ಷೆ ಪೂರ್ಣಗೊಳಿಸಿ ಮನೆಗೆ ತೆರಳಿರೋ 14 ಮಂದಿಯ ಮೇಲೆ ನಿಗಾ ಇಡಲಾಗಿದೆ. ಪ್ರತಿದಿನವೂ ಅವರ ಆರೋಗ್ಯ ತಪಾಸಣೆ ನಡೆಸಲಾಗುತ್ತೆ. ಅಲ್ಲದೆ 6 ತಿಂಗಳಲ್ಲಿ ಇವರಿಗೆ ಕೊರೋನಾ ಬಂದ್ರೆ ಇವರ ದೇಹ ಹೇಗೆ ಪ್ರತಿಕ್ರಿಯಿಸುತ್ತೆ ಅಂತ ತಿಳಿದು ಬರಲಿದೆ. ಒಂದ್ವೇಳೆ ಅವರ ದೇಹದಲ್ಲಿ ಕೊರೋನಾ ವಿರುದ್ಧ ಹೋರಾಡುವ ಶಕ್ತಿ ಬಂದಿದ್ದಲ್ಲಿ ಅವರ ರಕ್ತದ ಮಾದರಿಯನ್ನು ಪಡೆದು, ವ್ಯಾಕ್ಸಿನ್ನನ್ನು ಮಾರುಕಟ್ಟೆಗೆ ಬಿಡಲಾಗುತ್ತೆ.
ಈ ಬಗ್ಗೆ ಪ್ರತಿಕ್ರಿಯಿಸಿದ ವಿಜ್ಞಾನಿ ಚೆನ್ ವೀ, ಔಷಧ ಬಹುತೇಕ ಸಕ್ಸಸ್ ಆಗಿದೆ. ಆದ್ರೆ 6 ತಿಂಗಳ ಬಳಿಕ ಈ ವ್ಯಾಕ್ಸಿನ್ ತಾಕತ್ತು ತಿಳಿಯಲಿದ್ದು, ಅದನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದ್ದೇವೆ. ಕೊರೋನಾ ವೈರಸ್ನ್ನು ಇಡೀ ವಿಶ್ವದಲ್ಲಿ ಮಟ್ಟಹಾಕಬೇಕು ಅನ್ನೋದು ನಮ್ಮ ಉದ್ದೇಶ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement