masthmagaa.com:
ಹಾಂಗ್ ಕಾಂಗ್: ದೆಹಲಿಯಿಂದ ಹೋಗುವ ಎಲ್ಲಾ ಏರ್ ಇಂಡಿಯಾ ವಿಮಾನಗಳನ್ನು ಹಾಂಗ್ ಕಾಂಗ್ ಮತ್ತೊಮ್ಮೆ ನಿರ್ಬಂಧಿಸಿದೆ. ಡಿಸೆಂಬರ್ 3ರವರೆಗೆ ಏರ್ ಇಂಡಿಯಾ ವಿಮಾನಗಳನ್ನು ಬ್ಯಾನ್ ಮಾಡಿದ್ದು, ಈ ಮೂಲಕ 5ನೇ ಬಾರಿಗೆ ನಿರ್ಬಂಧ ವಿಧಿಸಿದಂತಾಗಿದೆ. ಈ ವಾರದ ಆರಂಭದಲ್ಲಿ ಏರ್ ಇಂಡಿಯಾ ವಿಮಾನದಲ್ಲಿ ಪ್ರಯಾಣಿಸಿದ ಕೆಲವರಲ್ಲಿ ಕೊರೋನಾ ಸೋಂಕು ಕಂಡು ಬಂದಿತ್ತು. ಹೀಗಾಗಿ ಹಾಂಗ್ ಕಾಂಗ್ ಈ ನಿರ್ಧಾರ ತೆಗೆದುಕೊಂಡಿದೆ.
ಭಾರತದಿಂದ ತೆರಳುವ ಪ್ರಯಾಣಿಕರಿಗೆ ಈಗಾಗಲೇ ಕೆಲವೊಂದು ರೂಲ್ಸ್ಗಳನ್ನು ಮಾಡಲಾಗಿದೆ. ಪ್ರತಿಯೊಬ್ಬ ಪ್ರಯಾಣಿಕನೂ ಕೊರೋನಾ ಪರೀಕ್ಷೆ ಮಾಡಿಸಿ, ನೆಗೆಟಿವ್ ರಿಪೋರ್ಟ್ ತೆಗೆದುಕೊಂಡು ಹೋಗಬೇಕು.. ಜೊತೆಗೆ ಕೊರೋನಾ ಪರೀಕ್ಷೆ ಪ್ರಯಾಣಕ್ಕೂ ಹಿಂದಿನ 72 ಗಂಟೆಗಳಲ್ಲೇ ನಡೆಸಿರಬೇಕು ಅಂತ ನಿಯಮವಿದೆ.
ಈ ಹಿಂದೆ ಆಗಸ್ಟ್ 18ರಿಂದ 31, ಸೆಪ್ಟೆಂಬರ್ 20ರಿಂದ ಅಕ್ಟೋಬರ್ 3, ಅಕ್ಟೋಬರ್ 17ರಿಂದ 30 ಮತ್ತು ಅಕ್ಟೋಬರ್ 28ರಿಂದ ನವೆಂಬರ್ 10ರವರೆಗೆ ಏರ್ಇಂಡಿಯಾ ವಿಮಾನವನ್ನು ಹಾಂಗ್ಕಾಂಗ್ ಬ್ಯಾನ್ ಮಾಡಿತ್ತು.
masthmagaa.com:
Contact Us for Advertisement