ಕೊರೋನಾವೈರಸ್ ವಿಶ್ವಕ್ಕೇ ಸವಾಲಾಗಿ ಪರಿಣಮಿಸಿದ್ದು, ಜರ್ಮನಿಯ ವಿಜ್ಞಾನಿಗಳು ಕೊರೋನಾಗೆ ಪರಿಹಾರ ಕಂಡು ಹಿಡಿದಿದ್ದಾರೆ. ಈ ಬಗ್ಗೆ ಅಧ್ಯಯನ ನಡೆಸಿರುವ ರೂಹ್ರ್ ಮತ್ತು ಗ್ರೀಫ್ಸ್ವರ್ಲ್ಡ್ ಯೂನಿವರ್ಸಿಟಿ ವಿಜ್ಞಾನಿಗಳು ಕೊರೋನಾವೈರಸ್ ಬಗ್ಗೆ ಅಧ್ಯಯನ ನಡೆಸಿದ್ದಾರೆ. ಅಲ್ಲದೆ ಸೋಂಕು ನಿವಾರಕಗಳ ಮೂಲಕವೇ ಕೊರೋನಾವೈರಸ್ ಮಟ್ಟಹಾಕಬಹುದು ಎಂದು ತಿಳಿಸಿದ್ದಾರೆ.
ಕೊರೋನಾವೈರಸ್ 30 ಡಿಗ್ರಿಸೆಲ್ಶಿಯಸ್ಗಿಂತ ಹೆಚ್ಚಿನ ತಾಪಮಾನದಲ್ಲಿ ಬದುಕೋದಿಲ್ಲ. ತಾಪಮಾನ ಹೆಚ್ಚಿದಂತೆ ವೈರಸ್ ಸತ್ತು ಹೋಗುತ್ತೆ. ಆಲ್ಕೋಹಾಲ್ ಅಂದ್ರೆ ಮದ್ಯ ಕೊರೋನಾವೈರಸನ್ನು 1 ನಿಮಿಷದಲ್ಲಿ ಸಾಯಿಸುವ ಶಕ್ತಿ ಹೊಂದಿದೆ ಅಂತ ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ. ಅಂದ್ರೆ ವೈರಸ್ ಸೋಂಕಿತ ಮನುಷ್ಯರು ಎಣ್ಣೆ ಹೊಡೆದ ಕೂಡಲೇ ಸೋಂಕಿನಿಂದ ಮುಕ್ತಿ ಸಿಗುತ್ತೆ ಅಂತ ಅರ್ಥ ಅಲ್ಲ. ನಿರ್ಜೀವ ವಸ್ತುಗಳ ಮೇಲಿರುವ ಈ ವೈರಸ್ ಇದ್ದರೆ, ಆಲ್ಕೋಹಾಲ್ ಹಾಕಿ ಕ್ಲೀನ್ ಮಾಡಿದ್ರೆ ವೈರಸ್ ಸತ್ತು ಹೋಗುತ್ತೆ.
ಅಲ್ಲದೆ ಈ ವೈರಸ್ ಉಳಿದ ವೈರಸ್ಗಳಿಗೆ ಹೋಲಿಸಿದ್ರೆ ಹೆಚ್ಚು ದಿನಗಳ ಕಾಲ ಜೀವಂತವಾಗಿರುತ್ತೆ. ಇವುಗಳು ಕೇವಲ ಜೀವಿಗಳ ದೇಹದಲ್ಲಿ ಮಾತ್ರವಲ್ಲದೇ ನಿರ್ಜೀವ ವಸ್ತುಗಳಾದ ಕಟ್ಟಿಗೆ, ಗ್ಲಾಸ್, ಪ್ಲಾಸ್ಟಿಕ್ನಂತಹ ವಸ್ತುಗಳಲ್ಲೂ ಹೆಚ್ಚುದಿನಗಳ ಕಾಲ ಜೀವಂತವಾಗಿರುವ ಶಕ್ತಿ ಹೊಂದಿವೆ. ಸಾಮಾನ್ಯವಾಗಿ ವೈರಸ್ಗಳು 2-ರಿಂದ 3 ದಿನ ಜೀವಂತವಾಗಿರುತ್ತವೆ. ಆದ್ರೆ ಕೊರೋನಾವೈರಸ್ 9 ದಿನಗಳ ಕಾಲ ಜೀವಂತವಾಗಿರುತ್ತೆ. ಅದ್ರಲ್ಲೂ ತಾಪಮಾನ 4 ಡಿಗ್ರಿಗಿಂತ ಕಡಿಮೆ ಇದ್ರೆ ಈ ಮಹಾಮಾರಿ 1 ತಿಂಗಳವರೆಗೆ ಜೀವಂತವಾಗಿರುತ್ತೆ ಅಂತ ಜರ್ಮನಿಯ ವಿಜ್ಞಾನಿಗಳು ತಿಳಿಸಿದ್ದಾರೆ.
Contact Us for Advertisement