masthmagaa.com:
2021ನೇ ಸಾಲಿನ ವಿಶ್ವದ ಹೆಚ್ಚು ಶಕ್ತಿಶಾಲಿ ಪಾಸ್ಪೋರ್ಟ್ ಹೊಂದಿರೋ ದೇಶಗಳ ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಇದ್ರಲ್ಲಿ ಜಪಾನ್ ಮೊದಲ ಸ್ಥಾನ ಪಡೆದುಕೊಂಡಿದ್ದು, ಸಿಂಗಾಪುರ್ 2ನೇ ಸ್ಥಾನ ಪಡೆದುಕೊಂಡಿದೆ. ಜರ್ಮನಿ ಮತ್ತು ದಕ್ಷಿಣ ಕೊರಿಯಾ 3ನೇ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿವೆ. ಹೆನಲ್ ಪಾಸ್ಪೋರ್ಟ್ ಇಂಡೆಕ್ಸ್ ಪ್ರಕಾರ ಜಪಾನ್ ಪಾಸ್ಪೋರ್ಟ್ ಹೊಂದಿರೋರಿಗೆ 193 ದೇಶಗಳಲ್ಲಿ ಫ್ರೀ ವೀಸಾ ಅಥವಾ ವೀಸಾ ಆನ್ ಅರೈವಲ್ ಇದೆ. 2ನೇ ಸ್ಥಾನದಲ್ಲಿರೋ ಸಿಂಗಾಪುರ್ ಪಾಸ್ಪೋರ್ಟ್ ಇರೋರಿಗೆ 192 ದೇಶಗಳಲ್ಲಿ ಫ್ರೀ ವೀಸಾ ಅಥವಾ ವೀಸಾ ಆನ್ ಅರೈವಲ್ ಇದೆ. ಅದೇ 3ನೇ ಸ್ಥಾನದಲ್ಲಿರೋ ಸೌತ್ ಕೊರಿಯಾ ಮತ್ತು ಜರ್ಮನಿ ಪಾಸ್ಪೋರ್ಟ್ ಹೊಂದಿರೋರಿಗೆ 191 ದೇಶಗಳಲ್ಲಿ ಈ ಸೌಲಭ್ಯ ಇದೆ. ಕೊರೊನಾ ಲಸಿಕೆಯನ್ನು ಹೆಚ್ಚಿನ ಪ್ರಮಾಣದಲ್ಲಿ ಹಾಕಿದ್ರು ಕೂಡ ಅಮೆರಿಕ ಮತ್ತು ಯುನೈಟೆಡ್ ಕಿಂಗ್ಡಮ್ 7ನೇ ಸ್ಥಾನದಲ್ಲಿವೆ. ಇನ್ನುಳಿದಂತೆ ಯುಎಇ ಮತ್ತು ಚೀನಾ ಕೂಡ ಈ ಪಟ್ಟಿಯಲ್ಲಿ ಹಂತ ಹಂತವಾಗಿ ಮೇಲೆ ಬರ್ತಿರೋದು ಕಾಣಿಸ್ತಾ ಇದೆ. 2011ರಲ್ಲಿ 90ನೇ ಸ್ಥಾನದಲ್ಲಿದ್ದ ಚೀನಾ ಈಗ 68ನೇ ಸ್ಥಾನಕ್ಕೆ ಬಂದಿದೆ. ಅದೇ ಯುಎಇ 65ನೇ ಸ್ಥಾನದಿಂದ 15ನೇ ಸ್ಥಾನಕ್ಕೆ ಜಂಪ್ ಆಗಿದೆ. ಯುಎಇ ಪಾಸ್ಪೋರ್ಟ್ ಹೊಂದಿರೋರು 174 ದೇಶಗಳಿಗೆ ಆರಾಮಾಗಿ ಪ್ರವೇಶ ಪಡೀತಾರೆ. ಅದೇ ಈ ಸಂಖ್ಯೆ ಒಂದು ದಶಕದ ಹಿಂದೆ 67ರಷ್ಟಿತ್ತು. ಇನ್ನು ನಮ್ಮ ಭಾರತದ ವಿಚಾರಕ್ಕೆ ಬಂದ್ರೆ ಕಳೆದ ವರ್ಷ 84ನೇ ಸ್ಥಾನ ಪಡೆದಿತ್ತು. ಆದ್ರೆ ಈ ಸಲ 6 ಸ್ಥಾನ ಕುಸಿದು 90ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ. ಭಾರತೀಯರು 58 ದೇಶಗಳಿಗೆ ಮಾತ್ರವೇ ವೀಸಾ ಇಲ್ಲದೇ ಹೋಗಬಹುದು. ಇನ್ನು ಪಕ್ಕದ ಪಾಕಿಸ್ತಾನ ಈ ಪಟ್ಟಿಯಲ್ಲಿ ಲಾಸ್ಟ್ನಿಂದ 4ನೇ ಸ್ಥಾನದಲ್ಲಿದ್ದು 32 ದೇಶಗಳಿಗೆ ಸುಲಭವಾಗಿ ಹೋಗೋ ಅವಕಾಶ ಹೊಂದಿದೆ. ಈ ಪಟ್ಟಿಯಲ್ಲಿ ಕೊನೆಯ ಅಂದ್ರೆ 116ನೇ ಪ್ಲೇಸ್ನಲ್ಲಿ ಅಫ್ಘಾನಿಸ್ತಾನ ಇದ್ದು, 26 ದೇಶಗಳಿಗೆ ವೀಸಾ ಇಲ್ಲದೆ ಹೋಗಲು ಅನುಮತಿ ಇದೆ.
-masthmagaa.com
Contact Us for Advertisement