ಮಧ್ಯಪ್ರದೇಶ: ಸಾವು ಯಾವಾಗ ಬರುತ್ತೆ..? ಹೇಗೆ ಬರುತ್ತೆ ಅನ್ನೋದು ಯಾರಿಗೂ ಗೊತ್ತಾಗಲ್ಲ. ಆದ್ರೆ ಮಧ್ಯಪ್ರದೇಶದಲ್ಲಿ ಬ್ಯಾಂಕ್ ಮ್ಯಾನೇಜರ್ ಒಬ್ಬರ ಸಾವು ಮಾತ್ರ ಪ್ರತಿಯೊಬ್ಬರ ರೋಮ ಎದ್ದು ನಿಲ್ಲುವಂತೆ ಮಾಡಿದೆ. ಬ್ಯಂಕರ್ ಮ್ಯಾನೇಜರ್ ಒಬ್ಬರು ತಮ್ಮ ಕಾರ್ನಲ್ಲಿ ತೆರಳುತ್ತಿದ್ದರು. ಈ ವೇಳೆ ಮೇಲಿಂದ ಬಿದ್ದ ಕಲ್ಲೊಂದು ಕಾರ್ನ ಮೇಲ್ಭಾಗ ಸೀಳಿಕೊಂಡು ಬಂದು ಮ್ಯಾನೇಜರ್ ತಲೆಗೆ ಬಡಿದಿದೆ. ಅದು ಎಷ್ಟು ವೇಗವಾಗಿತ್ತೆಂದರೆ ಬ್ಯಾಂಕ್ ಮ್ಯಾನೇಜರ್ ಅಶೋಕ್ ವರ್ಮಾ ತಲೆ ಒಡೆದುಹೋಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇವರ ಜೊತೆ ಇಬ್ಬರು ಸಹೋದ್ಯೋಗಿಗಳು ಕೂಡ ಇದ್ದರು. ಇವರು ಬೈತೂಲ್-ನಾಗ್ಪುರ ಹೈವೇಯಲ್ಲಿ ತೆರಳುವಾಗ ಈ ಘಟನೆ ನಡೆದಿದೆ.
ಕೂಡಲೇ ಸ್ಥಳಕ್ಕೆ ಬಂದ ಪೊಲೀಸರು ಅಶೋಕ್ ವರ್ಮಾ ಮೃತದೇಹವನ್ನು ಮರಣೊತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಅಲ್ಲದೆ ಘಟನೆ ಕುರಿತು ಪ್ರತಿಕ್ರಿಯಿಸಿ, ಘಟನಾ ಸ್ಥಳಕ್ಕೆ ಹತ್ತಿರದಲ್ಲೇ ಒಂದು ಸ್ಟೋನ್ ಕ್ರಶರ್ ಇದೆ. ಅಲ್ಲಿ ಬ್ಲಾಸ್ಟಿಂಗ್ನಿಂದಾಗಿ ಕಲ್ಲು ಹಾರಿ ಬಂದು ಅಲೋಕ್ ವರ್ಮಾಗೆ ಬಡಿದಿದೆ ಎಂದಿದ್ದಾರೆ.
ಸದ್ಯ ತನಿಖೆ ಆರಂಭಿಸಿರುವ ಪೊಲೀಸರು ಸ್ಟೋನ್ ಕ್ರಶರ್ ಸೀಲ್ ಮಾಡಿದ್ದಾರೆ. ಜೊತೆಗೆ ಈಗ ಹೈವೇಗೆ ಇಷ್ಟು ಹತ್ತಿರದಲ್ಲಿ ಸ್ಟೋನ್ ಕ್ರಶರ್ ಕೇಂದ್ರಕ್ಕೆ ಅನುಮತಿ ಕೊಟ್ಟಿದ್ದರು ಯಾರು..? ಈ ಹಿಂದೆಯೇ ಪೊಲೀಸರು ಇದನ್ನು ಸೀಲ್ ಮಾಡಲಿಲ್ಲ ಯಾಕೆ ಎಂದು ಪ್ರಶ್ನೆಗಳು ಎದ್ದಿವೆ.
Contact Us for Advertisement